Барысаў: «антыакцыя» да гадавіны прыняцця Усеагульнай дэкларацыі правоў чалавека

2012 2012-12-05T12:41:00+0300 1970-01-01T03:00:00+0300 be http://spring96.org/files/images/sources/barusau-mackevich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Праваабаронца Алег Мацкевіч

Праваабаронца Алег Мацкевіч

Своеасаблівую «антыакцыю» ладзяць барысаўскія праваабаронцы ў гадавіну прыняцця Усеагульнай дэкларацыі правоў чалавека, свядома адмаўляючыся прасіць у мясцовых уладаў дазвол на правядзенне пікету.

На працягу апошняга дзясятка гадоў улады горада Барысава не дазволілі ні адной мірнай акцыі, ініцыяванай дэмакратамі. З гэтай нагоды праваабаронцы падалі ў Камітэт па правах чалавека ААН скаргу на дзеянні мясцовых вертыкальшчыкаў, якая была зарэгістраваная.

У адрозненне ад папярэдніх гадоў праваабаронцы не сталі падаваць заяўку на правядзенне пікету ў гонар знамянальнай даты.

«У мяне дома цэлы стос афіцыйных папер з адмовамі ў правядзенні мірных сходаў у горадзе Барысаве, з вынікамі судовых рашэнняў па абскарджанню гэтых адмоваў, з вынікамі абскарджання судовых рашэнняў у вышэйшых судах, - тлумачыць пазіцыю праваабаронцаў Алег Мацкевіч. - Лічу, што гэтагы стос дастатковы, каб з'яўляцца прамым доказам віны ўладаў Барысаўшчыны ў парушэнні асноўных правоў грамадзян, дэклараваных ў міжнародных актах, падпісаных Беларуссю. Таксама гэты стос варты таго, каб пра яго даведаліся нашчадкі ў краязнаўчым музеі ў экспазіцыі «Эпоха застою ў незалежнай Беларусі», куды, магчыма, у будучыні я яго адпраўлю на захаванне. Валодаючы абмежаванымі магчымасцямі па архіваванню злачынстваў улады, вырашыў часова адмовіцца ад падачы заявак на правядзенне мірнага сходу ў гонар гадавіны прыняцця Дэкларацыі аб правах чалавека». 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international