Баранавіцкага актывіста прымушаюць звольніцца з працы?

2012 2012-11-29T15:36:33+0300 1970-01-01T03:00:00+0300 be http://spring96.org/files/images/sources/vajcieshyk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Аляксандр Вайцешык у Баранавіцкім гарадскім судзе

Аляксандр Вайцешык у Баранавіцкім гарадскім судзе

Грамадскі актывіст Аляксандр Вайцешык 28 лістапада накіраваў ліст Дзмітрыю Гумінскаму, дырэктару “Будаўнічай тэхнічнай кампаніі”, дзе ён працуе галоўным бухгалтарам. У лісце паведамляецца, што 28 лістапада ён прыйшоў на працу і выявіў, што ўсе шуфляды ў яго стале пустыя і адсутнічаюць дакументы, якія раней знаходзіліся на працоўным стале. Пазней высветлілася, што нехта несанкцыянавана працаваў на бухгалтарскім кампутары. Аляксандр Вайцешык просіць дырэктара разабрацца ў гэтай справе і прыняць неабходныя меры.

Гэту сітуацыю Вайцешык расцэньвае як спробу ціску. Грамадскі актывіст распавядае, што ціск на яго пачаўся, калі ён сёлета падаў у гарадскі суд заяву на трох супрацоўнікаў Баранавіцкага ГАУС і Следчага камітэта. Ён палічыў, што міліцыянеры свядома распаўсюдзілі непраўдзівую і неаб’ектыўную інфармацыю пра яго, і вырашыў бараніць свой гонар, годнасць і дзелавую рэпутацыю ў судзе.

– Гэты ціск на мяне яшчэ больш узмацніўся, калі я ў якасці прадстаўніка прафсаюза РЭП пачаў адстойваць правы Рыгора Грыка і іншых работнікаў у гарадскім судзе. Думаю, што цяпер адміністрацыя прадпрыемства шукае ўсе магчымыя спосабы, каб звольніць мяне з працы за маю актыўную грамадзянскую пазіцыю, – адзначыў Аляксандр Вайцешык.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international