Cтудэнцкага лідэра з Украіны не пусьцілі ў Беларусь

2012 2012-11-26T08:18:59+0300 1970-01-01T03:00:00+0300 be

Прэзыдэнта Украінскай асацыяцыі студэнцкага самакіраваньня Лізавету Шчапяцільнікаву не пусьцілі ў Беларусь, куды яна накіроўвалася для сустрэч са студэнцкімі актывістамі.

Як паведамляе інтэрнэт-рэсурс «Товарищ.online», Шчапяцільнікава не змагла перасячы беларускую мяжу на цягніку Кіеў-Менск — беларускія памежнікі аб’явілі студэнцкаму лідэру, што ёй забаронены ўезд на тэрыторыю Беларусі.

Прычын адмовы ва ўезьдзе на тэрыторыю краіны супрацоўнікі пагранічнай службы не патлумачылі. Пры гэтым на працягу прыкладна гадзіны Шчапяцільнікавай задавалі пытаньні адносна мэты яе прыезду ў Беларусь. Тры з паловай гадзіны яе пратрымалі ў памяшканьні пагранічнай службы, а раніцай яна была адпраўлена электрычкай да станцыі Гарнастаеўка са штампам аб дэпартацыі ў білеце.

«Мяне зьнялі з цягніка ў Мінск і дэпартавалі ва Украіну, аб’явіўшы, што ўезд на тэрыторыю Рэспублікі Беларусь мне забаронены... Напэўна, мы усё ж робім штосьці правільна», — напісала ў сваім твітэры Шчапяцільнікава.

Шчапяцільнікава зьяўляецца трэнэрам па пытаньнях студэнцкага самакіраваньня, яна выступала сябрам экспэртнай каманды Эўрапейскага саюза студэнтаў і Савета Эўропы ў ходзе візыту у Беларусь у 2010 годзе і ужо два гады працуе ў рабочай групе Эўрапейскага саюза студэнтаў па пытаньнях разьвіцьця студэнцкага руху ў Беларусі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international