Работнікам завода «Сарыя Бія-Індастрыс» у Бярозаўскім раёне забаранілі агучваць свае заробкі

2012 2012-11-09T15:00:52+0300 1970-01-01T03:00:00+0300 be http://spring96.org/files/images/sources/raspiska-ab-zarobku.jpg

Ад супрацоўнікаў замежнага прадпрыемства адміністрацыя патрабуе падпісаць адпаведную распіску.

Адзін з работнікаў прыслаў у Рэдакцыю копію шаблона распіскі. У ёй працадаўца спасылаецца на тое, што «заробак з’яўляецца прадметам камерцыйнай таямніцы», якую нельга агучваць без дазволу наймальніка.

Работнік «Сарыі Бія-Індастрыс» мяркуе, што "дырэктар нічога не прыдумаў, каб пазбегнуць надакучлівых пытанняў наконт заробку і яго павышэння, як увогуле забараніць гэтую тэму для абмеркавання пад страхам быць пакараным і ў далейшым — звольненым".

І дадае, што заробак на прадпрыемстве — не самы вялікі па раёне.

Адміністрацыя такі крок тлумачыць па-свойму — «у мэтах выключэння распаўсюджвання чутак і плётак, а таксама нармалізацыі абстаноўкі ў калектыве».

Юрысты такую распіску называюць незаконнай. І адзначаюць, што паводле пастановы Савета Міністраў 6 лістапада 1992 №670 камерцыйную таямніцу не могуць складаць звесткі пра колькасць і склад работнікаў, іх заробкі.

І нельга чалавека прымусіць падпісаць такі дакумент.

«Сарыя Бія-Індастрыс» — замежнае прыватнае вытворча-гандлёвае прадпрыемства. Асноўная дзейнасць — збор адкідаў жывёльнага паходжання; перапрацоўка іх для вытворчасці кармавой мяса-касцявой мукі і тлушчу жывёльнага тэхнічнага і кармавога.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international