Яроменка асудзілі на 15 сутак
Уладзімір Яроменак
Суддзя Маскоўскага раёна г. Менска Таццяна Моталь вынесла рашэнне аб адміністратыўным арышце на 15 сутак, якія актывіст Маладога Фронту правядзе ў ізалятары часовага ўтрымання на Акрэсціна.
***
Актывіст быў затрыманы 6 лістапада на плошчы Незалежнасці ў Мінску. Паседжанне пачалося ў 12.00 у судзе Маскоўскага раёна, суддзя Таццяна Моталь.
Уладзіміра Яроменку абвінавачваюць у дробным хуліганстве па арт.17.1 КаАП. На судзе выступіў толькі адзіні сведка - намеснік начальніка Маскоўскага РАУС Алег Бігуноў.
Рашэнне будзе абвешчана ў 14.10.
Сайт "Маладога фронту" паведамляе, што напярэдадні 7
лістапада актывісты МФ вырашылі паследаваць прыкладу
змагароў супраць камуністычнай ідэалогіі мінулых
часоў і аблілі настойкай
валяр’яны пастамент помніка Леніна на плошчы Незалежнасці ў Менску.
Мэта акцыі — заахвоціць катоў і котак з навакольных тэрыторыяў прыйсці
пад помнік і “выказаць свае пачуцці”.
Актывіст МФ Уладзімір Яроменак быў затрыманы аховай Дома Ураду каля помніка Леніну падчас падрыхтоўкі да кашачага пратэсту і дастаўлены ў РАУС Маскоўскага раёну.
