У Магілёве актывіста БСДП (Грамады) не аднавілі на працы праз суд

2012 2012-10-31T10:07:26+0300 1970-01-01T03:00:00+0300 be http://spring96.org/files/images/sources/suddzia-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

30 кастрычніка, суд Ленінскага раёна Магілёва ў асобе суддзі Валянціны Лапацінай адмовіў актывісту Беларускай сацыял-дэмакратычнай партыі (Грамады) Мікалаю Залознаму ў аднаўленні на працы.

Суддзя Лапаціна палічыла, што ўсе дысцыплінарныя спагнанні ў дачыненні да Мікалая Залознага ў апошнія месяцы ягонай працы правамерныя, як і само яго звальненне.

Праваабаронца Барыс Бухель адзначае, што ў панядзелак будзе гатовы пратакол судовага пасяджэння, гэтаксама як і рашэнне суда.

 “Пасля таго, як мы яшчэ раз азнаёмімся з гэтымі дакументамі, мы прымем рашэнне абскарджваць пастанову раённага суда ў абласным судзе ці не рабіць гэта”, - кажа Барыс Бухель.

Сам Мікалай Залозны кажа, што там дзе закон сутыкаецца з палітыкай, апошняя заўсёды перамагае.

 “Маё звальненне палітычна матываванае. Суддзя не аднавіла мяне на працы, бо, не выключаю таго, што і ёй шапнулі на вушка, якое рашэнне неабходна прыняць у дачыненні да мяне”, - кажа актывіст БСДП.

 Нагадаем, што Мікалай Залозны працаваў слесарам у адным з інтэрнатаў Магілёва. Пасля таго, як падчас выбарчай кампаніі ён увайшоў у склад ініцыятыўнай групы кандыдата ў дэпутаты ад БСДП (Грамады) Леаніда Падбярэцкага ў яго пачаліся непрыемнасці на працы.

Ягоны начальнік Павел Шышоў прымусіў яго пісаць тлумачальную запіску з нагоды таго ў якой апазіцыйнай партыі ён знаходзіцца. Пасля гэтага Мікалая Залознага некалькі разоў дэпрэміравалі. На яго амаль штодзённа пісалі дакладныя. У выніку ў яго знялі ўсе даплаты і перавялі працаваць на іншае аб’ект. Падпісаць новы кантракт, які меў значна горшыя ўмовы працы, Залозны адмовіўся, пасля чаго ён быў звольнены.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international