Барыса Хамайду ізноў аштрафавалі за гандаль у неналежным месцы

2007 2007-01-23T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Распаўсюдніка недзяржаўных выданьняў міліцыянты затрымалі каля дома №28 па вуліцы Леніна – на звычайным месцы, дзе спадар Хамайда прадае гараджанам "Витебский курьер", "Нашу Ніву", "Народную волю" ды часопісы "Дзеяслоў" і "ARCHE".

У пастарунку на яго склалі пратакол аб адміністратыўным правапарушэньні за гандаль у неналежным месцы. Пасьля гэтага Барыса Хамайду перавезьлі ў Чыгуначны раённы суд, які вынес пастанову пра грашовы штраф на падставе арт.148 КаАП. Паводле гэтага артыкулу, усе наяўныя выданьні маглі канфіскаваць, аднак гэтага ня здарылася: і газэты, і новыя, толькі што атрыманыя нумары часопісаў пакінулі распаўсюдніку.

Як адзначыў Барыс Хамайда Радыё Свабодзе, за гандаль у неналежным месцы яго затрымліваюць прыкладна раз на месяц, аднак прысуджаных штрафаў ён прынцыпова не выплочвае. На ягоную думку, пэрыядычныя затрыманьні адбываюцца паводле тэлефанаваньняў у міліцыю "пільных грамадзянаў", аднак мяняць вядомае ўсім чытачам незалежнае прэсы месца ў цэнтры горада на якое іншае ён не зьбіраецца.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international