Пенсіянер-інвалід з Бярозаўшчыны раскайваецца ў жаданні падпаліць сябе і старшыню сельвыканкама

2012 2012-10-27T17:21:56+0300 1970-01-01T03:00:00+0300 be http://spring96.org/files/images/sources/biaroza-levashevich-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Павел Левашэвіч раскайваецца ў жаданні падпаліць сябе і старшыню сельвыканкама, але прасіць у яго прабачэння не збіраецца.

- Дастаў, - кажа пра старшыню сельвыканкама 89-гадовы інвалід  2 групы па зроку Павел Левашэвіч. І дастала такое жыццё, проста страшна дастала. Ён прасіў у старшыні два варыянты: або накіраваць у дом састарэлых, а калі нельга – даць сацработніка хоць раз на тыдзень. Бярозаўская сацыяльная служба прыехала да Паўла Левашэвіча, абследавала ўмовы. Яны сапраўды жахлівыя, нягледзячы на тое, што стары жыве з нежанатым сынам, які ездзіць у Бярозу на працу. 

Жанчыны выказаліся, што трэба сацработнік, але ў сельвыканкаме не рэкамендавалі, спасылаючыся на тое, што дзед яшчэ ходзіць у краму за віном. Інвалід не адмаўляе, што сапраўды яшчэ рухаецца і можа выпіць чарку, але п’яніцай яго назваць нельга.

Інвалід Левашэвіч лічыць, што да яго не прыслухаліся, бо старшыня сельвыканкама недабразычліва ставіцца да яго.

- Было такое, -- узгадвае Павел Андрэевіч, - што цяперашні старшыня сельвыканкама працаваў галоўным аграномам у калгасе і вынайшаў новы метад зберажэння бульбы. У выніку бульба згніла ўся. Аграном злёг у бальніцу на 3 тыдні, а потым у сельвыканкам перавялі. Я меў неасцярожнасць сказаць, што яго ў турму трэба, а не ў сельвыканкам. Нехта данёс, а ён жа ўлада. Стаў з таго часу мяне даставаць.

Дырэктар сацыяльнага цэнтра абслугоўвання насельніцтва Радзівон Малюга сказаў, што пытанне аб сацыяльным работніку можна перагледзець, калі пенсіянер звернецца яшчэ раз.

А пакуль у інцыдэнце разбіраецца міліцыя. На пенсіянера заведзена крымінальная справа.

Застаецца спадзявацца, што наша сацыяльная дзяржава дапаможа  вязню нямецкага канцлагера, інваліду дажыць век хоць  крышку лепей.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international