Магілёўскага актывіста БХД Алега Аксёнава паставілі на ўлік у КДБ

2012 2012-10-23T07:10:32+0300 1970-01-01T03:00:00+0300 be http://spring96.org/files/images/sources/kgbrb.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

22 кастрычніка супрацоўнік КДБ патэлефанаваў актывісту БХД Алегу Аксёнаву на мабільны тэлефон і прапанаваў сустрэцца. Сказаў, што калі патрэбна позва, то можна яе зараз падвезці ў любое месца.

Алег Аксёнаў пагадзіўся сустрэцца і ўжо праз некалькі гадзін быў у будынку магілёўскай абласной управы КДБ.

Размову з ім вёў старэйшы следчы КДБ Андрэй Алегавіч Махуноў. Ён праінфармаваў актывіста, што яго ставяць на прафілактычны ўлік за дзейнасць ад імя незарэгістраванай арганізацыі – партыі Беларускай Хрысціянскай Дэмакратыі (БХД).

“Я спрабаваў давесці да ведама спадара Махунова, што праца вялася ад імя аргкамітэта па стварэнні партыі БХД, аднак ён не прыняў маё тлумачэнне да ўвагі. Напрыканцы размовы мне было прапанавана азнаёміцца з паперай, у якой было напісана, што мяне ставяць на прафілактычны ўлік. Падпісваў гэты дакумент старшыня магілёўскай абласной управы КДБ Ігар Сяргеенка ад 11.10.2012 года”, - гаворыць Алег Аксёнаў.

Актывіст адзначае, што падпісваць яму ніякія дакументы не давалі.

 

Алег Аксёнаў збіраецца абскарджваць пастаноўку на прафілактычны ўлік у КДБ. З гэтай нагоды ён рыхтуе скаргу на імя начальніка УКДБ па Магілёўскай вобласці.

Трэба адзначыць, што ў Магілёве на прафуліку КДБ знаходзіцца лідэр магілёўскай абласной партыі БНФ “Адраджэньне” Зміцер Салаўёў і актывістка аргкамітэта па стварэнню БХД Тацяна Шамбалава.

Праваабаронца Барыс Бухель адзначае, што дадзеная мера можа абмяжоўваць выезд за межы краіны і прыводзіць за спрашчэння аператыўна-вышуковых дзеянняў – супрацоўнікі КДБ без санкцый пракурора могуць праслухоўваць тэлефонныя размовы, сачыць за актывістамі, выклікаць іх на размовы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international