Быхаўчанін Аляксандр Шачанок дамогся звальнення несумленнага міліцыянта

2012 2012-10-22T13:33:44+0300 1970-01-01T03:00:00+0300 be http://spring96.org/files/images/sources/milicyja2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Участковы Віталь Вашчыла болей не працуе ў Быхаўскім РАЎСе.

Інфармацыя пра звальненне ўчастковага стала вядома Аляксандру Шачанку падчас сустрэчы з міністрам унутраных спраў, які вёў асабісты прыём грамадзян у Быхаве. Міністр выслухаў прэтэнзіі Аляксандра Шачанка да Віталя Вашчылы і паведаміў, што апошні болей не працуе ўчастковым.

У мясцовым РАЎСе інфармацыю аб тым, што Віталь Вашчыла больш у міліцыі не працуе пацвердзілі.

Нагадаем, што Віталь Вашчыла сфабрыкаваў у дачыненні да жыхара вёскі Дабужа Быхаўскага раёна Магілёўскай вобласці Аляксандра Шачанка адміністрацыйную справу. Паводле ўчастковага Шачанок прызнаваўся ў тым, што збіў сваю суседку. Пад пратаколам, нібыта, стаяў ягоны подпіс.

У судзе справа развалілася, бо адсутнічала сама заява пацярпелай. Акрамя таго Аляксандр Шачанок заявіў, што ягоны подпіс і запіс пад пратаколам зроблены не ягонай рукой. Экпертыза почырка, якая адбывалася двойчы, пацвердзіла гэты факт. Пазней і сам Віталь Вашчыла, у прысутнасці свайго начальніка, прызнаўся, што сам падрабіў подпісы.

У якасці дысцыплінарнага спагнання ўчастковы атрымаў толькі вусную вымову. Незадаволены такім пакараннем міліцыянту, Аляксандр Шачанок ажно чатыры разы накіроўваў у пракуратуру вобласці заявы з просьбай узбудзіць крымінальную справу ў дачыненні да несумленнага міліцыянта. У чацвёрты раз пракуратура пераслала матэрыялы справы ў Быхаўскі следчы камітэт. Пытанне аб узбуджэнні крымінальнай справы застаецца адкрытым, бо з’явіліся новыя факты.

“Я лічу, што мае скаргі зрабілі сваю справу і Вашчыла пасля іх быў звольнены з міліцыі. Лічу, што так і трэба паступаць з несумленнымі супрацоўнікамі, бо яны не абараняюць грамадзян, а толькі наносяць ім шкоду. Я хачу, каб у дачыненні да яго ўзбудзілі крымінальную справу за падлог. Тым болей, што ён яшчэ раз падрабіў подпісы, ужо пасля сфальсіфікаванай у дачыненні да мяне справы. У яго гэта стала нейкай нормай”, - паведамляе Аляксандр Шачанок.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international