Праваабаронца падаў скаргу на дзеянні службовых асоб Баранавіцкага ГАУС і УУС Брэсцкага аблвыканкама

2012 2012-10-18T16:30:06+0300 1970-01-01T03:00:00+0300 be http://spring96.org/files/images/sources/gousha-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Сяргей Гоўша.

Сяргей Гоўша.

Баранавіцкі праваабаронца Сяргей Гоўша 18 кастрычніка накіраваў скаргу Міністру ўнутранных спраў на дзеянні службовых асоб Баранавіцкага ГАУС і УУС Брэсцкага аблвыканкама. У лісце паведамляецца, што падчас назірання за арганізацыяй і правядзеннем выбараў у Палату прадстаўнікоў ім была зафіксавана фальсіфікацыя пратакола № 1 пасяджэння акруговай камісіі № 5 па выбарах ад 11.07.2012г. Таму 14.08.2012 года Сяргей Гоўша звярнуўся з заяваю да пракурора г.Баранавічы, падрабязна распавёў пра гэтую фальсіфікацыю і прасіў правесці пракурорскую праверку па прыведзеных ім фактах і прыняць адпаведныя меры да парушальнікаў Выбарчага кодэкса РБ. Аднак пракуратура ўхілілася ад праверкі гэтай скаргі і накіравала яе для разгляду, праверкі і прыняцця рашэння па сутнасці ў Баранавіцкі ГАУС. У лісце з міліцыі, які прыйшоў з вялікім спазненнем, паведамлялася, што ў выніку праверкі было ўстаноўлена, што прадстаўлены назіральнікам пратакол № 1 сапраўды быў, але яго трэба разглядаць выключна як вучэбна-трэніровачны (!!!). Выконваючы абавязкі начальніка ГАУС падпалкоўнік Эльдар Вільчкоўскі даводзіў назіральніку, што сакратар камісіі, па даручэнні старшыні камісіі, склала дадзены пратакол як узор складання і запаўнення пратаколаў маючых адбыцца пасяджэнняў камісіі.

Не пагадзіўшыся з такім адказам службовай асобы, Сяргей Гоўша 06.09.2012 года звярнуўся з заяваю ва Упраўленне ўнутранных спраў Брэсцкага аблвыканкама, у якой прасіў правесці дадатковую праверку выкладзенных ім фактаў, а таксама неправамерных, на яго думку, дзеянняў службовых асоб Баранавіцкага ГАУС.

19 верасня 2012 г. праваабаронца атрымаў адказ з УУС Брэсцкага аблвыканкама, дзе было сказана, што ні ў дзеяннях службовых асоб выбарчай камісіі, ні ў дзеяннях службовых асоб Баранавіцкага ГАУС парушэння заканадаўства не ўстаноўлена.

Назіральнік Сяргей Гоўша не пагадзіўся з такімі адказамі чыноўнікаў і таму накіравай скаргу Міністру ўнутранных спраў на дзеянні службовых асоб Баранавіцкага ГАУС і УУС Брэсцкага аблвыканкама. Ён просіць даць прававую ацэнку дзеянням службовых асоб Баранавіцкага ГАУС і УУС Брэсцкага аблвыканкама падчас разгляду яго скаргі з прычыны фальсіфікацыі дакументаў па выбарах сябрамі акруговай камісіі Баранавіцкай-Заходняй выбарчай акругі № 5.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international