Пратэстанцкі святар звяртаецца да ўладаў у звязку з ціскам на Змітра Дашкевіча

2012 2012-10-02T14:29:00+0300 1970-01-01T03:00:00+0300 be http://spring96.org/files/images/sources/dashkievich_kraty.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Палітвязень Зміцер Дашкевіч

Палітвязень Зміцер Дашкевіч

Епіскап Аб'яднанай царквы хрысціян веры евангельскай Сяргей Цвор просіць дзяржаўныя органы правесці расследаванне неправавых дзеянняў адміністрацыі папраўчай калоніі № 20 Мазыра ў дачыненні да зняволенага Дзмітрыя Дашкевіча. Адпаведны зварот святар накіраваў у Камітэт па справах рэлігій і нацыянальнасцяў, Генеральную пракуратуру і дэпартамент выканання пакаранняў МУС.

Прыводзім тэкст зварота цалкам:

26 верасня 2012 г. у сродках масавай інфармацыі з’явілася інфармацыя пра ціск, які ажыцяўляецца на Дашкевіча Змітра Вечаслававіча з боку адміністрацыі Мазырскай папраўчай калоніі №20. У прыватнасці, адзначалі, што прастаўнікі адміністрацыі калоніі абразліва выказваліся ў дачыненні да пратэстанцкіх цэркваў і евангельскай веры Змітра Дашкевіча, гэтаксама з іхніх вуснаў гучалі пагрозы згвалтавання.

Зміцер Дашкевіч з’яўляецца членам царквы хрысціян веры евангельскай “Ян Прадвеснік” г. Мінска з 2006 г. Ягоны арышт і прысуд за нібыта здзейснены ім напад на двух мужчын выклікаў шмат пытанняў як непраўдападобнасцю падобных дзеяў з боку веруючага хрыціяніна, так і дзіўным правядзеннем працэсу, калі пацярпелых так ніхто і не пабачыў.

Інфармацыя пра ціск, скіраваны ў калоніі на Дашкевіча, выклікае нашую трывогу і занепакоенасць. Асабліва дзіўным падаецца тое, што кіраўнік калоніі Юрый Багданавіч Збароўскі, які называе сябе праваслаўным і па статусе пакліканы адказваць за законнасць і правапарадак, дазваляе сабе зняважлівае стаўленне да евангельскіх вернікаў. Бо не сакрэт, што дзякуючы дзейнасці евангельскіх хрысціян многія асуджаныя пакідаюць сваё мінулае крымінальнае жыццё і становяцца нармальнымі членамі грамадзтва. Але перадусім, пагрозы і знявагі з’яўляюцца недапушчальнымі ў дачыненні да ўсякага чалавека, верніка ці няверуючага, бо кожны чалавек з’яўляецца вобразам Божым і ўсялякая знявага ці прыніжэнне чалавека ў нейкай ступені зневажае і Творцу. Нядзіўна, што такія знявагі і пагрозы, у тым ліку і пагрозы згвалтавання, якія гучаць з вуснаў прадстаўнікоў адміністрацыі калоніі, вымуслі Змітра Дашкевіча на такую скрайнюю форму пратэста, як галадоўка.

Год таму падобная інфармацыя пра ціск на Змітра Дашкевіча з боку адміністрацыі Горацкай калоніі №9 таксама не пакінула нас абыякавымі.

У сувязі з вышэйзгаданым, просім правесці ўсебаковае расследванне фактаў неправавых дзеянняў адміністрацыі Мазырскай папраўчай калоніі №20 у дачыненні да Дашкевіча Змітра Вечаслававіча, і ужыць меры па недапушчэнні падобных фактаў у будучым. Мы, у сваю чаргу, будзем маліцца ў памесных цэрквах, каб жыццё і здароўе Змітра Дашкевіча былі ў бяспецы.

З малітвай,

В.а. япіскапа Аб’яднанай Царквы
хрысціян веры евангельскай у Рэспубліцы Беларусь               С.П. Цвор

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international