Брэст: былы кандыдат у дэпутаты збіраецца судзіцца з гарвыканкамам

2012 2012-10-15T11:33:04+0300 1970-01-01T03:00:00+0300 be http://spring96.org/files/images/sources/sud8.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Жыхар абласнога цэнтру Аляксандр Мельнік, які браў удзел у паламенцкіх выбарах у якасці кандыдата ў дэпутаты па Брэсцкай-Заходняй акрузе №1, накіраваў скаргу ў суд, дзе ў якасці адказчыка пазначаны Брэсцкі гарвыканкам.

Па словах Мельніка, падставай для такіх дзеянняў стаў адказ мясцовых уладаў на ягоны ліст, у якім ён прасіў ініцыяваць адміністратыўны працэс у дачыненні да старшыні ўчастковай камісіі №39 Леаніда Валабуева. Як лічыць былы прэтэндэнт на дэпутацкі мандат, гэты кіраўнік участковага выбаркаму груба парушыў Выбарчы кодэкс, калі спачатку забараніў Аляксандру Мельніку прысутнічаць падчас падліку бюлетэняў, а пасля загадаў, каб падлік адбываўся не на ўчастку для галасавання ў брэсцкай чыгуначнай лякарні, а ў службовым пакоі намесніка галоўнага лекара гэтай установы.

Як паведаміў Аляксандр Мельнік, у атрыманым з гарвыканкама адказе гаворыцца, што ў дзеяннях Леаніда Валабуева няма падстаў для прыцягнення да адміністратыўнай адказнасці і выбарчае заканадаўства ён не парушаў. “У адказе няма аргументаванага тлумачэння, чаму ўлады прыйшлі да такой высновы, - кажа Мельнік. – Акрамя таго, калі гарвыканкам выносіць пастанову аб спыненні справы аб адміністратыўным правапарушэнні, павінен быць абвешчаны тэрмін і парадак абскарджання пастановы. Гэтага ў адказе няма”.

Таму Аляксандр Мельнік у сваёй заяве ў суд Ленінскага раёна Брэста просіць прызнаць бяздзейнасць мясцовага гарвыканкама, які парушыў працэдуры, усталяваныя Кодэксам Рэспублікі Беларусь аб адміністрацыйных правапарушэннях.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international