Актывіст АГП Андрэй Дзьмітрыеў пакараны адміністратыўным арыштам тэрмінам 3 сутак, сёньня ён выходзіць на свабоду.

2007 2007-01-15T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

15 студзеня судзьдзя Партызанскага райсуду Менску Мікалай Трубнікаў вынес рашэньне аб пакараньні сябра Аб’яднанай грамадзянскай партыі Андрэя Дзьмітрыева - адміністратыўны арышт тэрмінам 3 сутак. Яго абвінавацілі ў правапарушэньні арт. 156 КаАП – дробнае хуліганства, нібыта ён нецэнзурна лаяўся і чапляўся да мінакоў.

Лідэр АГП Анатоль Лябедзька прыехаў раніцай у суд і пацікавіўся, калі будзе разглядацца справа. Судзьдзя Трубнікаў адказаў, што суд пачнецца пасьля прыёму грамадзянаў. Аднак неўзабаве высвятлілася, што Мікалай Трубнікаў схлусіў – ён ужо вынес рашэньне аб арышце. У суд прыехаў таксама эстонскі парламентар Сільвер Мейкар “для азнаямленьня з судовай сістэмай Беларусі”, паведаміла прэс-служба партыі.

Нагадаем, што сябра АГП Андрэй Дзьмітрыеў 12 студзеня быў гвалтоўна схоплены на вуліцы супрацоўнікамі ў цывільным. Яны даставілі яго ў Партызанскі РУУС Менска. Выходныя Дзьмітрыеў правёў у сьпецпрыёмніку-разьмеркавальніку на Акрэсціна, сёньня заканчваецца ягоны трохдзённы арышт..

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international