Беларускія назіральнікі - пра выбары ў Грузіі (фота)

2012 2012-10-08T13:04:00+0300 1970-01-01T03:00:00+0300 be http://spring96.org/files/images/sources/gruzija-vybary-2012.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Вопытныя беларускія назіральнікі ад розных грамадскіх арганізацый у складзе Міжнароднай місіі пад эгідай  сеткі “Цэнтра плюралізму” ажыццяўлялі назіранне за парламенцкімі выбарамі ў Грузіі.

Прысутнасць беларускіх назіральнікаў на ўчастках для галасавання паўплывала на тое, што выбарчыя камісіі ўсё ж выконвалі закон, сумленна лічылі яўку і вынікі галасавання. Такое меркаванне выказвае адзін з назіральнікаў Вінцук Вячорка. Праўда, ён адзначае, што гэта не датычыць перадвыбарчай атмасферы, якая была крайне складанай. Нягледзячы на імідж Грузіі як дэмакратычнай краіны, беларусы бачылі “радзімыя плямы” адміністрацыйнага рэсурсу: вулічны кантроль выбарцаў, іх фільмаванне. Гэта можна расцаніць як ціск на выбарцаў. Былі і ўсякія іншыя рэчы: напрыклад, чарніла, якім пазначалі пальцы, хутка знікалі, калі не патрасеш бутэлечку.

Назіральніца Валянціна Свяцкая кажа, што можна пазайздросціць агітацыйнай кампаніі, якая праходзіла ў Грузіі: “Бо для Беларусі такая агітацыйная кампанія – фантастыка. Калі месяц апазіцыйныя тэлевізійныя каналы працавалі кругласуткава на сваіх кандыдатаў, калі свабодна праходзілі мітынгі і акцыі, на якіх не было паліцыі”. Сп. Свяцкая назвала гэтыя выбары ў Грузіі “марай беларусаў” і патлумачыла, чаму: “Па-першае, выбары праходзілі ў адзін дзень, па-другое, празрыстыя скрынкі і відэакамеры на ўчастках, па-трэцяе, запіс для галасавання на даму спыняецца за два дні да выбараў. У камісіях – прадстаўнікі ўсіх партыяў, вялікія паўнамоцтвы маюць назіральнікі, якія таксама прадстаўляюць розныя арганізацыі і партыі. Іх больш, чым сябраў камісіі”.

Беларускіх назіральнікаў таксама прыемна здзівіла, як людзі адстойвалі свой выбар. Пасля закрыцця ў 20 гадзін участкаў выбарцы абляпілі вокны выбарчага ўчастка і не сыходзілі, пакуль не даведваліся вынікаў выбараў, а гэта магло быць і ў тры гадзіны ночы. Грузіны не чакалі на канапах, што нейкая невялікая частка грамадства будзе бараніць іх інтарэсы.

Назіральніца з Брэстчыны Ірына Лаўроўская высока ацэньвае выбарчае заканадаўства Грузіі, дзе прапісана ўсё, што можа выключыць фальсіфікацыі, і найперш - адсутнічае датэрміновае галасаванне. Яна кажа, што, канешне, былі спробы “каруселі” і іншых фальсіфікацый, але старшыня выбарчай камісіі ўважліва ставіўся да заўвагаў назіральніка - і парушэнні ліквідаваліся. Упершыню на ўчастку, дзе назірала Лаўроўская, з 800 выбаршчыкаў прагаласавала 240 - а не 90%, як звычайна, калі бюлетэні дакідваліся на карысць “патрэбнага” кандыдата.

На думку Алеся Меха, які таксама быў у камандзе назіральнікаў за грузінскімі выбарамі, галоўнае не тое, якое выбарчае заканадаўства, а тое, як тыя ці іншыя людзі выконваюць выбарчы закон.

Трэба адзначыць, што грузінскія прыхільнікі дэмакратыі высока ацанілі назіранне Міжнароднай місіі сеткі “Цэнтра плюралізму”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international