Памежнікі “палююць” на праваабаронцаў: на мяжы затрымалі Насту Лойка

2012 2012-10-07T08:02:51+0300 1970-01-01T03:00:00+0300 be http://spring96.org/files/images/sources/nastaloika1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Наста Лойка

Наста Лойка

На некалькі гадзін 6 кастрычніка на літоўска-беларускай мяжы была затрыманая праваабаронца Наста Лойка. Гэта здарылася, калі дзяўчына вярталася з Вільні рэйсавым аўтобусам праз памежны пераход "Каменны Лог".

Памежнікі правялі асабісты дагляд праваабаронцы і яе рэчаў, пасьля чаго быў складзены адпаведны акт. Позна ўначы Наста вярнулася ў Менск.

“Паляваньне” мытнікаў на праваабаронцаў, набывае ў апошні час сістэмны характар.

Так, 30 верасня на беларуска-украінскай мяжы, у пункце пропуску “Новая Гута”, мытнікі завярнулі на дагляд аўтамабіль сям’і грамадскіх актывістаў Сержука Семянюка і Ірыны Смяян-Семянюк. Сям’я вярталася з Украіны, дзе на выходных наведвала сваякоў. Дагледзелі не толькі аўтамабіль, але і ўсе асабістыя рэчы, склаўшы акты дагляду. Нічога забароненага мытнікі не знайшлі.

А 1 кастрычніка на польска-беларускай мяжы больш за 5 гадзін «правяралі» праваабаронцу Зміцера Салаўёва. Ягоны  аўтамабіль загналі ў бокс, зазіралі ва ўсе аддзелы, пад капот, дагледзелі нават дно. У самым аўто цікавасць мытнікаў выклікаў плакат з выявай Алеся Бяляцкага, дыскі на тэму смяротнага пакарання і дапаможнік для назіральнікаў за выбарамі. Акту дагляду і канфіскацыі не складалі, прычыны такога доўгага затрымання не тлумачылі.

 

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international