Алесь Бяляцкі атрымае прэмію Леха Валэнсы

2012 2012-09-28T14:34:09+0300 1970-01-01T03:00:00+0300 be

Сёньня ў Гданьску было агучанае імя пятага ляўрэата прэміі Леха Валэнсы. Ім стаў Алесь Бяляцкі.

Прэмія Алесю Бяляцкаму прызначаная за ягоны «ўнёсак у абарону правоў чалавека і дапамогу людзям, якіх перасьледуюць беларускія ўлады».

Пра рашэньне было паведамлена на ўрачыстай прэсавай канфэрэнцыі з удзелам экс-прэзыдэнта Польшчы Леха Валэнсы, экс-прэм’ера Яна Кшыштафа Бялецкага, прэзыдэнта горада Гданьска Паўла Адамовіча, старшыні праўленьня Банку PKO Зьбігнева Ягеллы.

Як паведаміў «Свабодзе» прадстаўнік Інстытуту Леха Валэнсы Зьдзіслаў Войцік, цырымонія ўручэньня адбудзецца ў суботу 29 верасьня ў 11.30 ў Гданьску ў Двары Артуса (вуліца Длугі Тарг 43/44). На цырымонію запрошаная жонка Алеся Бяляцкага Натальля Пінчук, якая і атрымае прэмію з рук Леха Валэнсы.

Прэмія Леха Валэнсы ўручаецца асобам, інстытуцыям ці рухам, якія дзейнічаюць дзеля паразуменьня і салідарнага супрацоўніцтва народаў, свабоды і абароны правоў чалавека.

«Прэмія Леха Валэнсы зьяўляецца выказваньнем салідарнасьці з тымі, хто змагаецца за лепшае заўтра. Яна была заснаваная ў 2008 годзе былым прэзыдэнтам Польшчы і кіраўніком прафсаюзу «Салідарнасьць» Лехам Валэнсам на знак падзякі за падтрымку, якую ён меў, атрымліваючы Нобэлеўскую прэмію міру 1983 году",— паведамляе прэсавая служба Інстытуту Леха Валэнсы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international