Бабруйчанку выпісалі з бальніцы пасля адмовы прагаласаваць

2012 2012-09-25T16:33:08+0300 1970-01-01T03:00:00+0300 be http://spring96.org/files/images/sources/babr-sudzilouskaja.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Інгу Судзілоўскую, жыхарку Бабруйска,  раптоўна выпісалі з мінскай бальніцы пасля адмовы прагаласаваць.

-Я праходзіла ў Мінску абследванне, звязанае з анкалагічным захворваннем, і наконт выпіскі мне нічога не казалі, наадварот, я чакала вынікаў аналізаў, на панядзелак у мяне было прызначанае УЗІ. Раптам, як снег на галаву - выпіска, з намёкамі на тое, што прычынай стала мая нязгода галасаваць на ўчастку № 267. Ён утварыўся ў бальніцы ў дзень асноўнага галасавання.

-Сняданак павінен быў у нас пачацца ў 8 раніцы, але не пачаўся, пакуль усе не прагаласавалі. Ужо з гэтага часу ўвесь медперсанал быў на нагах, і ніхто з загадчыкаў аддзяленняў не меў права сыйсці, “пакуль мы не выканаем свой грамадзянскі абавязак”. Ужо да 15.00 справа была зробленая. Мяне ж доўга прымушалі пайсці на ўчастак, але я адмаўлялася, і нават прыгразіла: “Калі будзеце прымушаць, паклічу сюды прадстаўнікоў АБСЕ”, старшыня камісіі мне крыкнуў: “З вамі яшчэ заўтра паразмаўляюць!”

Жанчына дадае, што акрамя яе адмовіўся галасаваць яшчэ адзін хлопец.

-Не ведаю, што і думаць, але на наступны дзень, калі я ўжо стаяла з рэчамі на выхад, бачыла гэтага хлопца у фае таксама апранутым у цёплую вопратку, але выпісалі яго насамрэч ці не, не ведаю. Мне ж сказалі “вы самі ўсё разумееце”, і адправілі дахаты. Заўважу, што да выбараў размова пра маю выпіску нават не ўздымалася, - сцвярджае бабруйчанка.

 

“Праваабаронцы за свабодныя выбары”

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international