Мастоўская акруговая камісія правяла выніковае паседжанне…ноччу

2012 2012-09-25T09:21:22+0300 1970-01-01T03:00:00+0300 be http://spring96.org/files/images/sources/stol-naziralniki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Мастоўская акруговая камісія па аднайменнай выбарчай акрузе №56 правяла сваё паседжанне па зацвярджэнні вынікаў галасавання на ўчастках і акрузе таемна. Калі 24 верасня зраніцы незалежны назіральнік кампаніі “Праваабаронцы за свабодныя выбары” Алег Рамашкевіч прыйшоў у будынак, дзе знаходзіцца камісія, яму паведамілі, што паседжанне адбылося яшчэ ўчора позна ўвечары. Фактычна, калі яно сапраўды праходзіла, яно магло адбыцца толькі ноччу. Выдаць Рамашкевічу копію пратаколу таксама адмовіліся, параіўшы азнаёміцца з вынікамі выбараў праз некалькі дзён у газеце.

Не далі інфармацыі і праваабаронцы Святлане Рудкоўскай у Гародні, якая была зарэгістраваная назіральніцай у Гарадзенскай-сельскай акружной выбарчай камісіі. Калі яна прыйшла ў камісію, выявілася, што выніковае паседжанне ўжо адбылося, а члены камісіі ў асобным пакойчыку “святкуюць” заканчэнне выбарчай кампаніі. Старшыні камісіі не было, а яе сакратар не дала магчымасці азнаёміцца з выніковым пратаколам на той падставе, што ў яе няма пратаколу.

Незалежныя назіральнікі расцэньваюць гэтыя выпадкі як адмову ў прадстаўленні інфармацыі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international