У Менску былі затрыманыя моладзевыя назіральнікі (абноўлена)

2012 2012-09-24T15:36:00+0300 1970-01-01T03:00:00+0300 be http://spring96.org/files/images/sources/zatrymannie.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Па інфармацыі праваабаронцаў на 15.30, затрыманых назіральнікаў моладзевага праекту “Назіранне за выбарамі: тэорыя і практыка” пачалі адпускаць з РУУСу Цэнтральнага раёна Менска. Ва ўсіх узялі адбіткі пальцаў, знялі на відэа. Супрацоўнікі міліцыі не далі ніякіх тлусачэнняў наконт прычыны затрымання і пратаколаў на затрыманых не складалі.

***

24 верасня ў Менску затрыманыя некалькі дзесяткаў актывістаў моладзевага праекту “Назіранне за выбарамі: тэорыя і практыка”, якія учора ажыццяўлялі назіранне на сталічных выбарчых участках.

Пра гэта праваабаронцам па тэлефоне паспела паведаміць адна з затрыманых – Марыя Сляпцова. Са слоў дзяўчыны, затрымлівалі назіральнікаў амапаўцы ля гатэля “Хостэл Джаз” па вуліцы Шчадрына ў Менску.

Вядомы таксама прозвішчы некаторых іншых затрыманых - Алесь Заяц, Наста Матчанка, Алесь Герасіменка.

Затрыманых дастаўляюць у Цэнтральны РУУС Менску.

Праект "Назіранне за выбарамі: тэорыя і практыка" ("Election Observation: Theory and Practice", EOTP) ажыццяўляюць моладзевы цэнтр "Belarus Watch", Еўрапейскі гуманітарны універсітэт і Беларускі дом правоў чалавека ў выгнанні (Вільнюс). На працягу апошніх пяці гадоў праект рыхтуе маладых людзей да назірання за выбарамі.  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international