Маладэчна: галасаванне на даму – без запрашэння і без дакументаў

2012 2012-09-23T18:40:39+0300 1970-01-01T03:00:00+0300 be http://spring96.org/files/images/sources/damafon.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра тое, што ў дзень галасавання да іх на дом прыйшлі без запрашэння прадстаўнікі ўчастковай камісіі з выбарчай скрыняй, назіральнікам паведаміла выбаршчыца Паўднёва-ўсходняга ўчастка №20 г. Маладэчна.

Сама жанчына і яе муж – пажылыя людзі, выбарамі не цікавіліся і галасаваць наогул не збіраліся. Але ў другой палове дня 23 верасня да іх дадому прыйшла “кампанія” з выбарчай скрыняй, паведаміўшы, што да гэтых пажылых людзей прыйсці ім прапанавалі суседзі. Выбаршчыкі былі здзіўленыя, але згадзіліся прагаласаваць на даму. Пры гэтым прадстаўнікі ўчастковай камісіі самі ніякіх дакументаў не прад’яўлялі, і ў выбаршыкаў іх таксама нават не запыталіся.

Як мяркуюць назіральнікі, хутчэй за ўсё, сябры камісіі праяўляюць такую актыўнасць, таму што існуе пагроза недастатковай яўкі.

Пра асаблівую ініцыятыўнасць прадстаўнікоў камісіі паведамляюць таксама жыхары дома па вул. В.Гасцінец, 72а, які адносіцца да Елгаўскага выбарчага ўчастка. Каля 18 гадзінаў прадстаўніца ўчастковай камісіі абзвоньвала ўсе кватэры па дамафоне і пыталася, ці хадзілі ўжо галасаваць.

“Праваабаронцы за свабодныя выбары”



Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international