Орша: падлікі назіральнікаў па яўцы на датэрміновае галасаванне адрозніваюцца ад афіцыйных

Інфармацыя адносна яўкі выбаршчыкаў у дні датэрміновага галасавання, якая паступае ад незалежных назіральнікаў з шэрагу выбарчых участкаў, адрозніваецца ад інфармацыі ў пратаколах выбаркамаў.

Так, на ўчастку № 2 Аршанскай гарадской акругі № 26 камісія падае лічбу на 200 галасоў больш, чым атрымліваецца па падліках назіральнікаў. На 35-м участку ў камісіі атрымліваецца на 145 прагаласаваўшых больш, чым налічылі назіральнікі.

Па словах каардынатара кампаніі незалежнага назірання Мікалая Дзямідава, тэарэтычна можа быць, каб назіральнікі памыліліся ў падліках на 1-2 чалавека. Але такія істотныя разыходжанні выклікаюць пытанні.

«Праваабаронцы за свабодныя выбары»