Назіральнікі на мясцовых выбарах сутыкаюцца з праблемай атрыманьня інфармацыі пра ход датэрміновага галасаваньня.

2007 2007-01-11T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Такую выснову зрабіў выканаўчы дырэктар грамадскага аб’яднання “Беларускі Хельсінкскі камітэт” (БХК) Алег Гулак на падставе інфармацыі пра першыя дні датэрміновага галасавання, якое пачалося 9 студзеня.

Паводле яго слоў, дамагчыся якой-небудзь інфармацыі ад сяброў і старшыняў камісій немагчыма. “Мала дзе нашым назіральнікам казалі пра колькасць выбаршчыкаў на ўчастку. А атрымаць інфармацыю пра тое, колькі чалавек прагаласавала або колькі бюлетэняў паступіла на ўчастак, наогул немагчыма. Сябры камісій тэлефануюць старшыне, старшыня – яшчэ кудысьці, потым прымаецца рашэнне: ніякіх дадзеных не даваць”, – распавёў А.Гулак.

Паводле яго слоў, нават на пісьмовыя заявы аб падаванні інфармацыі сябры камісій і іх старшыні не рэагуюць.

А.Гулак таксама адзначыў, што кандыдаты ў дэпутаты сутыкаюцца з праблемай інфармавання насельніцтва, “што прызнала і кіраўніца ЦВК Лідзія Ярмошына ў адным з інтэрв’ю”. Аднак, паводле слоў праваабаронцы, такую сітуацыю стварылі тыя, “хто вызначаў дазволеныя месцы для агітацыйнай прадукцыі і сустрэч з выбаршчыкамі”.

“У мяне ў руках карта Сухараўскай выбарчай акругі №27. У ёй пражывае больш за 20 тысяч выбаршчыкаў. І на ўсю акругу – адно месца для агітацыйных матэрыялаў і адно месца для сустрэч з выбаршчыкамі. І гэтае месца для сустрэч знаходзіцца практычна на будаўнічай пляцоўцы”, – адзначыў А.Гулак. Паводле інфармацыі праваабаронцы, 11-12 студзеня на шматлікіх вытворчых прадпрыемствах і ў навучальных установах запланаваныя “перадвыбарныя сустрэчы”.

“Самае дзіўнае – гэта не сустрэчы кандыдатаў у дэпутаты з выбаршчыкамі. Праводзіць іх будуць прадстаўнікі адміністрацыі ўстаноў і ідэалагічныя працаўнікі. Не выключана, што на такіх сустрэчах усім будзе прапанавана прагаласаваць датэрмінова”, – сказаў А.Гулак БелаПАН.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international