Гародня: падвышаная актыўнасць выбаршчыкаў

2012 2012-09-20T15:06:18+0300 1970-01-01T03:00:00+0300 be http://spring96.org/files/images/sources/vybarchja-kamisija.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Гародні адзначана неверагодна падвышаная актыўнасць грамадзянаў падчас датэрміновага галасавання. На ўчастках, дзе няма незалежных назіральнікаў, лічбы прагаласаваўшых увогуле “зашкалілі”. Так, на ўчастку №22 Гарадзенскай-Занёманскай выбарчай акругі паводле афіцыйных дадзеных камісіі 18 верасня прагаласавала 86 выбаршчыкаў, а 19-га верасня яшчэ больш – ажно 113 (!). Участак гэты месціцца ў сярэдняй школе №31, а старшынёй камісіі з’яўляецца дырэктар школы Анатоль Кавалёў, які на прэзідэнцкіх выбарах 2010 году адзначыўся тым, што на вачах міжнародных і нацыянальных назіральнікаў у асноўны дзень галасавання мяняў пратакол з лічбай датэрміновага галасавання.

Надзвычай актыўна галасавалі ўчора і на ўчастку №19 Гарадзенскай-Цэнтральнай выбарчай акругі, што размешчана ў будынку дзяржаўнага аграрнага ўніверсітэту. Сюды ішлі людзі з двух інтэрнатаў, якія галасуюць на дадзеным участку. У выніку камісія вывесіла лічбу прагаласаваўшых за 19 верасня – 115 чалавек. Незалежныя ж назіральнікі налічылі ў гэты дзень толькі 70 прагаласаваўшых. Магчыма, участковая камісія ў пратаколе вывела суму прагаласаваўшых за два дні. Так, прыкладам, здарылася на ўчастку №25 Гарадзенскай-Занёманскай акругі. Старшыня гэтай участковай камісіі, дырэктар школы №34, Яўген Карпук павесіў пратакол на дзверы участка, што прагаласаваў 51 выбаршчык. Гэта сума за два дні, бо 18-га верасня тут прагаласавала 22 чалавекі, а 19 верасня – 29. Дадзены факт зафіксаваў незалежны назіральнік ад БХК Раман Юргель.

 “Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international