Салігорск: засталіся толькі праўладныя кандыдаты

2012 2012-09-19T12:50:58+0300 1970-01-01T03:00:00+0300 be http://spring96.org/files/images/sources/kandydaty-saligorsk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кандыдатаў ад АГП заклеілі белымі аркушамі

Кандыдатаў ад АГП заклеілі белымі аркушамі

Ад панядзелка па абезьвюх салігорскіх выбарчых акругах прымаць удзел у выбарах засталіся толькі праўладныя кандыдаты. На знак пратэсту сябры Аб’яднанай грамадзянскай партыі знялі свае кандыдатуры.

Ад далейшага ўдзелу ў выбарчым працэсе па Салігорскай гарадской выбарчай акрузе №68 адмовіўся Віктар Малочка. Арцём Агафонаў спыніў свае кандыдацкія паўнамоцтвы па Салігорскай сельскай выбарчай акрузе №69. Нагадаем, дадзенае рашэнне было прыянта Аб’яднанай грамадзянскай партыяй цэнтралізавана і датычылася кандыдатаў ад АГП па ўсёй краіне. Адпаведныя дакументы галоўным офісам партыі былі накіраваны ў Цэнтральную выбарчую камісію, а таксама ў адпаведныя акруговыя выбаркамы.

Самі кандыдаты рашэнне партыі падтрымліваюць. Віктар Малочка лічыць яго заканамерным:

- Улічваючы, што выбары у краіне дэ-факта адсутнічаюць, мы скарысталіся легальнай магчымасцю публічна давесці людзям аб неабходнасці байкоту гэткіх “псеўдавыбараў” ды аб неабходнасці правядзення сумленных выбараў без Лукашэнкі. Аб рашэнні зняць сваю кандыдатуру з перадвыбарчай гонкі напярэдадні галасавання я паведмляў выбарцам у сваім відэазвароце ячшэ ў канцы жніўня.

Такім чынам, па салігорскіх гарадской і сельскай выбарчых акругах працягваюць свой удзел толькі прадстаўнікі ўладаў Яўген Абаленскі і Таіса Данілевіч, а таксама іх “спарынг-пратнёры” Ігар Дзялендзік і Уладзімір Сушчыц. Як паведамляюць назіральнікі з участкаў, у адпаведныя плакаты з іфармацыяй пра кандыдатаў выбарчымі камісіямі былі ўнесены аператыўныя змены - кандыдатаў ад АГП заклеілі белымі аркушамі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international