Гаспадарчы суд Віцебскай вобласьці пачаў разгляд справы па іску ААТ „Элсан” да ЗАТ „Выдавецкі дом «Віцебскі кур’ер»”. Мэта іску — прымусіць выдавецтва і газэту пакінуць офіс ды, згубіўшы юрыдычны адрас, зачыніцца

2007 2007-01-08T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як вынікае зь лісту-справаздачы генэральнага дырэктара „Элсана” Дзьмітрачэнкі ў адміністрацыю Першамайскага раёну гораду Віцебску, арэндадаўцы пайшлі на гэткі крок менавіта па загадзе кіраўніцтва раёну. Пацьвярджае вялікую зацікаўленасьць мясцовых уладаў у ліквідацыі незалежнага грамадзка-палітычнага выданьня і ўдзел у судзе ў якасьці трэцяга боку юрыст-кансультанта адміністрацыі Анастасіі Агафонавай, якая падтрымала прэтэнзіі прадстаўніка „Элсана” Аляксандра Сямёнава. Той жа лічыць падпісаную дамову нікчэмнай, бо, па ягоным меркаваньні, рэдакцыя павінна ўзгадніць арэнду з адміністрацыяй раёну. Аднак у газэты ёсьць дазвол гарвыканкаму. Праваабаронца Павал Левінаў, які разам з намесьнікам менскага юрыдычнага агенцтва „Бізнэс-дыялёг” Дзьмітром Зікрацкім прадстаўляе інтарэсы „Віцебскага кур’ера” ў судзе, пракамэнтаваў гэта проста: "Патрабаваньні істца я лічу абсурднымі, бо газэта заканадаўства не парушала. У адпаведнасьці з заканадаўстваў атрыманы дазвол на разьмяшчэньне Закрытага акцыянэрнага таварыства на тэрыторыі гораду Віцебску. Аднак істцец сьцьвярджае, што неабходна атрымліваць дазвол па нейкай вызначанай адрэсе: у раёне, на вуліцы, у нейкім там пакоі..."

Чарговае паседжаньне, на якое абодва бакі павінны прадставіць дадатковыя дакумэнты, судзьдзя Вольга Гаціла перанесла на 10 студзеня. Часу мала — выходныя, сьвяты, але, як лічуць у дэмакратычных колах гораду, улады прысьпешваюць, каб зьліквідаваць незалежную газэту як мага хутчэй.

Суд выклікаў цікавасьць эўрапейцаў — за ходам працэсу назіраў саветнік амбасадара па сувязях з грамадзкасьцю менскага офіса АБСЭ Вадзім Харцінг. Зьдзівіла зацікаўленасьць дзяржаўнай тэлерадыёкампаніі „Віцебск”. Як выказаў здагадку рэдактар „Віцебскага кур’ера” Уладзімер Базан, напэўна, хацелі першымі данесьці станоўчую вестку да ўладаў, паведаміла Радыё Рацыя.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international