Віцебск: датэрміновае галасаванне пачалося са студэнтаў і затрыманння назіральніка

2012 2012-09-18T15:07:57+0300 1970-01-01T03:00:00+0300 be http://spring96.org/files/images/sources/daterminovae-galasavanne.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра тое, што моладзь ідзе на выбарчыя ўчасткі падчас заняткаў, паведамілі адразу некалькі назіральнікаў, якія працуюць у Віцебскай-Кастрычніцкай выбарчай акрузе №20.

Назіральнік Вадзім Кузьмін дзяжурыць на ўчастку №48 у ліцэі па вуліцы Лазо, ён распавядае: "Прыйшлі дзяўчаты, яўна падчас заняткаў. Іх павіншавалі, бо галасуюць упершыню, падарылі ім асадкі. А яны пачалі разглядаць партрэты кандыдатаў і кажуць:"Вось ён, вось!" Відаць, пазналі, за каго ім было загадана галасаваць, і пайшлі па кабінках".

Тацяна Севярынец, віцебская каардынатарка аргкамітэту па стварэнні партыі БХД,  зранку працуе  на 76-м выбарчым участку: "І тут парушаецца артыкул 5 Выбарчага кодэксу Рэспублікі Беларусь. З заняткаў у Віцебскім індустрыяльна-педагагічным тэхнікуме былі вызваленыя 15 студэнтаў для ўдзелу ў датэрміновым галасаванні".

Каля 14 гадзін  міліцыянты затрымалі актывіста аргкамітэту па стварэнні партыі "Беларуская Хрысціянская Дэмакратыя" Яўгена Гуцалава, які акрэдытаваны назіральнікам на 71-ым выбарчым участку. Яго затрымалі адразу ж пасля пачатку перапынку на выбарчым участку, прычыну затрымання спрабуюць высветліць ягоныя сябры і праваабаронцы. Яўген паспеў паведаміць, што за адну гадзіну з 10:00 да 11:00 паспелі прагаласаваць 10 дзяўчат з інтэрнату №2 Віцебскага дзяржаўнага тэхналагічнага ўніверсітэту.

 

“Праваабаронцы за свабодныя выбары”

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international