Мінск: Старшыня АВК папярэджвае, што назіральнікі могуць быць “агрэсіўнымі”

2012 2012-09-18T11:38:43+0300 1970-01-01T03:00:00+0300 be http://spring96.org/files/images/sources/nabludateli3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Інфармацыя пра гэта прагучала на паседжанні акруговай камісіі Грушаўскай выбарчай акругі №98. Там жа дыскусіі выклікала прапанова аднаго з сябраў камісіі Сяргея Вазняка, які прапанаваў праект рашэння, паводле якога забяспечваецца празрыстая працэдура падліку галасоў. Аднак астатнія сябры камісіі прагаласавалі супраць.

Праект рашэння Сяргея Вазняка ўтрымліваў рэкамендацыі па падліку галасоў. У прыватнасці, ён прапанаваў асобна лічыць галасы, аддадзеныя датэрмінова, асобна - сабраныя па месцы жыхарства выбаршчыкаў і асобна галасы, якія выбаршчыкі аддалі на ўчастку непасрэдна 23 верасня. Таксама рэкамендавалася дэманстраваць назіральнікам усе бюлетэні, каб яны маглі бачыць, за каго канкрэтна выбаршчыкі аддалі свой голас. У выпадку, калі ў сябра камісіі ўзнікаюць пытанні па падліку галасоў, прызначаць паўторны падлік. Па меркаванні Вазняка, сённяшняя працэдура падліку галасоў непразрыстая. “На паседжанні ён падкрэсліў, што кожны сябар камісіі асобна лічыць стос бюлетэняў, ягоныя калегі гэтыя бюлетэні не бачаць, выніковы пратакол падпісвае старшыня, які таксама не бачыў на свае вочы ўсе бюлетэні. Аднак гэтыя аргументы астатнія сябры камісіі палічылі неістотнымі. Яны заявілі, што з падлікам галасоў ніякіх праблемаў няма, таму змяняць працэдуру не мае сэнсу”, - паведаміла назіральніца ад Беларускага Хельсінскага камітэту Наталля Манькоўская.

На папярэднім паседжанні камісіі Сяргей Вазняк падняў пытанне аб мэтазгоднасці прысутнасці ў камісіі прадстаўніка Саюза ваенных маракоў Валерыя Бабука ў складзе камісіі, паколькі на пасяджэнні ён не з'яўляецца і ў працы камісіі не ўдзельнічае. Аднак астатнія сябры камісіі прапанову не падтрымалі. Пасля гэтага Сяргей Вазняк накіраваў адпаведны зварот у Мінгарвыканкам і Мінгарсавет.

“Праваабаронцы за свабодныя выбары”

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international