Больш за 15 друкарняў адмовілі кандыдатам ад Партыі БНФ у друку агітацыйных улётак

2012 2012-09-16T11:15:31+0300 1970-01-01T03:00:00+0300 be http://spring96.org/files/images/sources/partyja_bnf.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Каля 15 прыватных і некалькі дзяржаўных друкарняў адмовіліся друкаваць улёткі кандыдатаў у дэпутаты ад Партыі БНФ.

Па інфармацыі прэсавай службы партыі, частка прыватных друкарняў спасылалася на вялікую загружанасць і прапаноўвала надрукаваць матэрыялы толькі пасля 25 верасня.

Дзяржаўныя друкарні тлумачылі адмовы іншымі прычынамі, адзначае прэс-служба. Напрыклад, прадстаўнік паліграфічнага камбінату імя Якуба Коласа паведаміў, што з-за тэхнічных характарыстык абсталявання яны могуць надрукаваць выбарчыя ўлёткі накладам не менш за 500 тыс. асобнікаў. Ён таксама звярнуў ўвагу, што выбарчага фонду кандыдата не хопіць на аплату такога накладу, а менш яны друкаваць не могуць.

Шмат дзяржаўных друкарняў спасылаліся на тое, што занятыя друкам дзённікаў. Усе магчымасці Мінскай фабрыкі каляровага друку на дадзены момант скіраваныя на друк раней атрыманых замоваў. Прадстаўнікі фабрыкі паўтарылі выраз аб магчымасці друку толькі праз пэўны час, фактычна -- пасля даты меркаванага зняцця кандыдатаў, паведамілі ў партыі.

Толькі некалькі кандыдатаў здолелі на месцах дамовіцца на лічбавы друк, які значна даражэйшы за афсэт, і вырабіць абмежаваным накладам свае выбарчыя ўлёткі.

 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international