Барысаў: Выканкамаўская газета не пакідае ў спакоі знятага кандыдата

2012 2012-09-14T14:10:00+0300 1970-01-01T03:00:00+0300 be http://spring96.org/files/images/sources/bukas-anatol.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Галоўны рэдактар «Барысаўскіх навінаў» Анатоль Букас

Галоўны рэдактар «Барысаўскіх навінаў» Анатоль Букас

Сайт газеты Барысаўскага райвыканкаму «Адзiнства» (рэдактар Вера Пратасевіч) размясціў артыкул «Непрозрачная «прозрачность» или Все тайное становится явным», у якім абвінавачвае пазбаўленага кандыдацтва рэдактара незалежнай газеты «Барысаўскія навіны» Анатоля Букаса ў спробе наўмысна схаваць рэальныя даходы.

Анатоль Букас быў пазбаўлены рэгістрацыі кандыдатам па Барысаўскай гарадской выбарчай акрузе № 62 у сувязі з тым, што не ўказаў у дэкларацыі аб даходах звесткі аб продажы аўтамабіля ў 2011 годзе. Як тлумачыў рэдактар ​​незалежнай газеты, ён прадаў машыну ў канцы 2010 года і таму проста не думаў, што дакументы ў ДАІ былі зарэгістраваныя ўжо ў 2011-ым.

Гэты промах, які каштаваў Букасу ўдзелу ў выбарах, сайт газеты Барысаўскага райвыканкаму «Адзiнства» выкарыстоўвае для таго, каб выставіць рэдактара незалежнай газеты не ў лепшым святле.

«Неожиданно выяснилось, что один из претендентов на депутатский мандат утаил весьма существенные сведения о полученных доходах. Этим «забывчивым» кандидатом оказался не кто иной, как Букас А.В. Как явствует из документов, которые имеются в избирательной комиссии, Букас Анатолий Владимирович в 2011 году продал принадлежавший ему легковой автомобиль AUDI A6. Вот об этом-то доходе, полученном от продажи транспортного средства, будущий соискатель мандата народного избранника почему-то не счел нужным поведать», - кляйміць сайт рэдактара «Барысаўскіх навінаў».

І дадае: «…отчего такая «забывчивость»? Или призыв «говорить правду», столь охотно декларируемый газетой «БН», касается только госчиновников и прочих «аппаратчиков», а самого независимого редактора, пожелавшего занять кресло депутата Парламента, вроде как бы и не касается? Если так, то двойные стандарты какие-то получаются. Негоже призывать людей к откровенности, требовать от других быть «честными и прозрачными», а самому при этом оставаться «непрозрачным».

Варта адзначыць, што вылучэнне Букаса ў кандыдаты стала для выканкамаўскай газеты падставай для таго, каб паквітацца з канкуруючым выданнем і з яго рэдактарам. Так, адразу ж пасля таго, як Букас заявіў аб сваім намеры ўдзельнічаць у выбарах, «Адзiнства» надрукавала на яго «кампраметуючы» артыкул, у якім распавядалася, што рэдактар ​​незалежнага выдання варты ўдзелу ў выбарах, бо ў яго ДАІ адабрала правы кіроўцы за парушэнне хуткаснага рэжыму.

«Праваабаронцы за свабодныя выбары»

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international