Хоцімск: Кандыдата выклікаюць у райвыканкам

2012 2012-09-14T12:12:55+0300 1970-01-01T03:00:00+0300 be http://spring96.org/files/images/sources/karankevich-krychau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Валерый Каранкевіч (Хоцімск)

Валерый Каранкевіч (Хоцімск)

13 верасня кандыдат у дэпутаты Палаты прадстаўнікоў з Хоцімска Валерый Каранкевіч атрымаў заказны ліст з мясцовага райвыканкама. У лісце за № 25 кандыдату прапаноўваецца з’явіцца ў Хоцімскі райвыканкам “для азнаямлення і падпісання пратакола аб адміністрацыйным правапарушэнні”.

“Я атрымаў гэты ліст на пошце, спачатку мне пад роспіс прынеслі пісьмовае ўведамленне, - распавядае Валерый Каранкевіч. – У лісце за нумарам 25 пішацца даслоўна вось што: “Хоцімскі райвыканкам прапаноўвае вам з’явіцца 17 верасня ў 11-00 у кабінет 321 райвыканкама для азнаямлення і падпісання пратакола аб адміністрацыйным правапарушэнні. Пры сабе мець пашпарт”. Падпісала гэты ліст намеснік старшыні Хоцімскага райвыканкама Жана Казакова. Як я зразумеў, мяне нейкім чынам хочуць пакараць за правядзенне агітацыйнага пікету ў дазволеным месцы 11 верасня ў Хоцімску. Але мяне здзівіла іншае, я сам у свой час працаваў першам намеснікам старшыні Хоцімскага райвыканкама і добра ведаю, што выклікаць можна на паседжанне адміністрацыйнай камісіі пры райвыканкаме, а не ў нейкі незразумелы “кабінет 321”. Лічу, што чыноўнікі з Хоцімскага райвыканкама проста зноў хочуць перашкодзіць мне весці агітацыйную кампанію ў якасці кандыдата ў дэпутаты, марнуючы мой час, бо на 17 верасня ў мяне запланаваны і арганізацыя пікета, і сустрэчы з выбаршчыкамі”.

Спадар Каранкевіч таксама паведаміў, што 14 верасня ён збіраецца падаць скаргу ў акруговую камісію Крычаўскай выбарчай акругі № 83 на дзеянні свайго апанента, кандыдата ў дэпутаты Палаты прадстаўнікоў па гэтай жа акрузе, першага намесніка старшыні Магілёўскага аблвыканкама Уладзіміра Краўцова, які падчас сваёй перадвыбарчай кампаніі пастаянна выкарыстоўвае адміністрацыйны рэсурс.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international