Заява лідэра аб’яднаных дэмакратычных сілаў Аляксандра Мілінкевіча ў сувязі з крымінальным перасьледам Канстаньціна Лукашова

2007 2007-01-05T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Выказваю абурэнне з нагоды прад’яўленьня абвінавачваньня грамадзкаму дзеячу Канстаньціну Лукашову й яго далейшага ўтрымліваньня ў СІЗА.

Лічу, што крымінальная справа ўзбуджаная супраць яго па артыкуле “супраціўленьне супрацоўнікам міліцыі” зьяўляецца палітычнай матываванай. Дзеяньні ўладаў у дачыненьні да Канстаньціна Лукашова маюць на мэце запалохваньне беларускага грамадзтва й сьведчаць пра ўзмацненьне перасьледу за палітычныя перакананьні. Зьвяртаю ўвагу на той факт, што Канстаньцін Лукашоў стаў першым палітычным зьняволеным у Беларусі пасьля таго, як у лістападзе 2006 года Эўрапейскі Зьвяз прапанаваў Беларусі новую стратэгію супрацоўніцтва. Адной з умовай паляпшэньня кантактаў паміж Эўропай і Беларусьсю зьяўляецца вызваленьне ўсіх палітзьняволеных у нашай краіне. Выклікае шкадаваньне, што кіруючы рэжым у чарговы раз прадэманстраваў і аб’яднанае Эўропе й беларускаму народу нежаданьне прытрымлівацца элементарных дэмакратычных норм.

Выказваю салідарнасьць з Канстаньцінам і яго сям’ёй і зьвяртаюся да ўладаў, адказных за ўтрыманьне Канстаньціна Лукашова за кратамі, з патрабаваньнем яго неадкладнага вызваленьня. Зьвяртаюся да ўсіх палітычных і грамадзкіх суб’ектаў Беларусі з просьбай далучыцца да гэтага патрабаваньня

Свабоду Лукашову!

Свабоду палітзняволеным!

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international