Полацк: старшыня акруговай камісіі выступіў “сакратаром” кандыдата

2012 2012-09-13T09:40:00+0300 1970-01-01T03:00:00+0300 be http://spring96.org/files/images/sources/gujvik-polack.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Старшыня Полацкага гарсавета дэпутатаў Наталля Гуйвік (у цэнтры)

Старшыня Полацкага гарсавета дэпутатаў Наталля Гуйвік (у цэнтры)

Назіральнік па Полацкай гарадской выбарчай акрузе № 28 Юрый Бельскі падаў у полацкую пракуратуру скаргу на дзеянні старшыні акруговай выбарчай камісіі Лёдзія Лысенка.

Падчас сустрэчы Наталлі Гуйвік з выбаршчыкамі ў СШ № 16 Лёдзій Аляксандравіч не толькі прадставіў прысутным кандыдата, але і па яе просьбе запісваў дадзеныя тых з прысутных, якія звярталіся да кандыдата з канкрэтнымі праблемамі. Паколькі ў цяперашні час Наталля Гуйвік з'яўляецца старшынёй Полацкага гарадскога Савета дэпутатаў, яна сапраўды ў стане вырашыць пэўныя мясцовыя праблемы, што і паабяцала зрабіць выбаршчыкам.

Юрый Бельскі лічыць такія дзеянні старшыні акруговай камісіі формай агітацыі за кандыдата, паколькі на сустрэчы прысутнічалі і давераныя асобы Гуйвік, якія маглі б самі і прадставіць яе, і зрабіць неабходныя запісы.

На сустрэчах з іншымі кандыдатамі сябры акруговай камісіі заўсёды прысутнічаюць, але ў прадстаўленні кандыдатаў не прымаюць удзелу, адзначае назіральнік.
 
«Праваабаронцы за свабодныя выбары»



Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international