viasna on patreon

Салігорск: раённая газета дагэтуль не надрукавала праграму кандыдата

2012 2012-09-12T10:23:33+0300 1970-01-01T03:00:00+0300 be https://spring96.org/files/images/sources/malochka-salihorsk-sustrecha-d.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Сустрэча з кандыдатам у дэпутаты па Салігорскай гарадской акрузе Віктарам Малочкам

Сустрэча з кандыдатам у дэпутаты па Салігорскай гарадской акрузе Віктарам Малочкам

Салігорскі кандыдат ў дэпутаты ад Аб’яднанай грамадзянскй партыі Віктар Малочка накіраваў сваю перадвыбарчую праграму ў раённую газету “Шахцёр” яшчэ ў канцы жніўня, але дагэтуль на старонках газеты яго зварот да выбарцаў не надрукаваны.

Галоўная рэдактарка газеты прычынаў такой затрымкі не назвала і паведаміла аб магчымым з’яўленні перадвыбарчай праграмы Віктара Малочкі ў пазнейшых нумарах. Варта адзначыць, што праграмаў іншых кандыдатаў, якія балатуюцца па салігорскіх выбарчых акругах, у газеце “Шахцёр” таксама надрукавана яшчэ не было. Зрэшты, тэма выбараў у мясцовых дзяржаўных сродках масавай інфармацыі ад пачатку выбараў практычна не асвяталяецца, хоць газета “Шахцёр” і Салігорскі тэлеканал увайшлі ў спіс найлепшых СМІ Мінскай вобласці.

Пакуль жа адно з перадавых выданняў Міншчыны здольна выдаваць толькі прапагандысцкія артыкулы. “Законы прыроды не падуладныя нашым жаданням. Зрэшты, як і дзяржаўныя законы”, - заяўляе ў адным з нешматлікіх перадвыбарчых опусаў журналістка “Шахцёра” пад псеўданімам Вікторыя Раманава. У сваім артыкуле ажно на 5000 знакаў Жана Гірэль (сапраўднае прозвішча выкрывацельніцы Вікторыі Раманавай) узгадвае многіх кандыдатаў у дэпутаты, сярод якіх “былы кандыдат у прэзідэнты краіны, вядомы многім урач-псіхатэрапеўт і знакаміты беларускі акцёр”. Вось толькі прозвішчы знакамітасцяў аўтарка дзяржвыдання агучыць не наважваецца. Не ўзгадвае Жана Гірэль аніякім чынам і сітуацыю з выбарамі ў родным Салігорску, але патлумачыць чытачам “недапушчальнасць” байкоту журналістка не забываецца.

У цэлым можна канстатаваць, што актыўнасць мясцовых СМІ ў асвятленні выбарчай тэматыкі па-ранейшаму застаецца на нізкім узроўні. Дзряжаўныя сродкі масавай інфармацыі пра хаду выбараў інфармуюць зрэдку і выключна ў станоўчым рэчышчы. Прыватныя СМІ рэгіёна парламенцкую кампанію наўпрост ігнаруюць. Адзінымі медыямі, што актыўна асвятляюць хаду выбараў, з’яўляюцца адзінкавы незалежныя інтэрэнэт-рэсурсы ды адмысловыя суполкі ў сацыяльных сетках.

“Праваабаронцы за свабодныя выбары”

Апошнія навіны

Партнёрства

Сяброўства