Слуцк: Кандыдата ў дэпутаты не пусцілі на сустрэчу з Барысам Батурам

2012 2012-09-07T10:30:00+0300 1970-01-01T03:00:00+0300 be http://spring96.org/files/images/sources/batura.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У адміністрацыі райвыканкама фільтравалі жадаючых патрапіць на прыём да старшыні аблвыканкама Барыса Батуры. Па словах кандыдата ў дэпутаты па Слуцкай выбарчай акрузе № 67 Аляксандра Шыловіча, яго спроба сустрэцца 5 верасня са старшынёй Мінаблвыканкама скончылася нічым. «Выканкамаўскія дамы сталі грудзьмі ў калідоры і не пусцілі мяне», - кажа кандыдат.

Раней Аляксандр Шыловіч спрабаваў запісацца на прыём, але яму сказалі, што ў спісе тых, хто жадае - трыццаць чалавек, і ў яго няма шанцаў.

У прызначаны час кандыдат з'явіўся ў райвыканкам. Пакуль Батура прымаў случчакоў, Шыловіч стаяў у калідоры і меў зносіны з тымі, хто чакаў сваёй чаргі.

«Вам нельга тут размаўляць з людзьмі!» - зрабіла яму заўвагу начальнік упраўлення справамі Слуцкага райвыканкама Наталля Аўсяннікава. - «Вы што, прыватызавалі выканкам?» - здзівіўся Шыловіч.

На вачах Шылавічы адну жанчыну дамы з упраўлення справамі адвялі ў кабінет, прапанаваўшы ёй не хадзіць да Батуры і вырашыць яе праблемы на ўзроўні мясцовай улады.

«Яшчэ адна жанчына спытала ў чыноўніц, ці не яны ёй тэлефанавалі напярэдадні, каб удакладніць, ці прыйдзе яна на прыём, - дадаў кандыдат. - У адказ тыя павярнуліся да яе спінамі».

Пачуўшы ў свой адрас чарговую заўвагу ад Аўсяннікавай, маўляў, вы тут з'агітуеце, Шыловіч не вытрымаў і запатрабаваў кнігу скаргаў, дзе выклаў свае прэтэнзіі.

«Да Батуру я ўсё роўна не трапіў. Мне сказалі: «Мы вас не пусцім», - заключае кандыдат. - Хоць запісана да яго было каля 30 чалавек, я бачыў, што прыйшло не больш за палову. Мабыць, чыноўнікі на месцах адсеівалі «хадакоў», папярэдне абтэлефанаваўшы іх і паабяцаўшы разабрацца з іх праблемамі».

«Праваабаронцы за свабодныя выбары»

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international