Распаўсюдніка недзяржаўнай газеты «Новы час» Аляксандра Процку аштрафавалі

2012 2012-09-07T09:09:15+0300 1970-01-01T03:00:00+0300 be http://spring96.org/files/images/sources/novy_chas1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

6 верасня адбылося паседжанне адміністрацыйнай камісіі адміністрацыі Савецкага раёна Гомеля, на якім разглядаўся пратакол, складзены міліцыяй у дачыненні Аляксандра Процкі. Сябра Руху «За свабоду» заключыў афіцыйную дамову з рэдакцыяй газеты «Новы час» на распаўсюд выдання. Газету ён прадаваў каля чыгуначнага вакзалу Гомеля. «Я прадаваў там газету месяц. За гэты час да мяне чатыры разы падыходзілі міліцыянеры, правяралі дакументы – усё было законна. 20 жніўня мяне затрымалі, прывезлі ў апорны пункт, дзе склалі пратакол за парушэнне правіл гандлю», - патлумачыў актывіст.

Адміністрацыйная камісія прызначыла Аляксандру Процку пакаранне – 100 тысяч рублёў (адна базавая велічыня) па артыкулу 12.17 Кодэксу аб адміністрацыйных парушэннях.

«Я ж не грыбы прадаваў, не мэблю – каб, напрыклад, перашкаджаць людзям, а газеты. Дзе іх можна прадаваць – камісія мне не патлумачыла, як і тое, у чым парушэнне. Лічу, што ціск пачаўся з наступленнем выбараў, бо раней жа месяц ніхто не чапляўся, хоць і правяралі дакументы, але не бачылі парушэння», - пракаментаваў распаўсюднік.

Ён не згодны з рашэннем адміністрацыйнай камісіі і будзе яго абскарджваць праз суд, куды ўжо і падаў адпаведную скаргу.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international