Магілёў: Адмоўлена ў размяшчэнні агітплакатаў у тралейбусах

2012 2012-09-06T15:32:38+0300 1970-01-01T03:00:00+0300 be http://spring96.org/files/images/sources/padbiarecki-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Падбярэцкі

Леанід Падбярэцкі

Магілёўскі гарэлектратранспарт адмовіў кандыдату ў дэпутаты Леаніду Падбярэцкаму ў размяшчэнні агітацыйных плакатаў у салонах тралейбусаў.

Кандыдат ад Беларускай сацыял-дэмакратычнай партыі (Грамады) і грамадзянскай кампаніі “Гавары праўду” Леанід Падбярэцкі, які балатуецца па Магілёўскай-Ленінскай выбарчай акрузе №84, меў намер размясціць свае агітацыйныя плакаты ў тралейбусах на маршрутах №2 і №4, якія ходзяць па яконай акрузе, аднак атрымаў адмову.

Намеснік дырэктара Алена Бычкоўская паведаміла, што тралейбусны парк адмаўляецца гэта рабіць, бо размяшчэнне агітацыйных матэрыялаў кандыдатаў у дэпутаты на транспарце не ўваходзіць у спіс дазволеных месцаў.

Жанчына спаслалася на рашэнне гарвыканкаму, у якім вызначаны пералік месцаў, дзе можна размяшчаць агітацыйную прадукцыю і транспарта ў гэтым спісе няма.

Нагадаем, што днямі Леаніду Падбярэцкаму было адмоўлена ў размяшчэнні агітацыйных матэрыялаў у салонах аўтобусаў. Дырэктар аўтобуснага парку №1 сп.Лазарэнка адзначыў, што на ягонай памяці ніхто ніколі такога не рабіў і ён таксама не збіраецца атрымліваць першы вопыт.

Намеснік дырэктара па ідэалогіі сп.Азараў адзначыў, што размяшчаць агітацыйныя матэрыялы ў аўтобусах забаранілі прадстаўнікі адміністрацыі Кастрычніцкага раёна Магілёва. Паведаміць імя і прозвішча чыноўніка, які даў такі загад, сп.Азараў адмовіўся.

“Праваабаронца за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international