Безвыніковыя “дэбаты” кандыдатаў з Брэстчыны

2012 2012-09-06T15:22:01+0300 1970-01-01T03:00:00+0300 be http://spring96.org/files/images/sources/novik.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кандыдат у дэпутаты Анатоль Новік (“Справядлівы свет”)

Кандыдат у дэпутаты Анатоль Новік (“Справядлівы свет”)

У першых тэлевізійных дэбатах, што паказваліся 5 верасня ў вечаровым эфіры канала “Беларусь-2”, бралі ўдзел тры з пяці кандыдатаў у дэпутаты з Брэсцкай-Памежнай выбарчай акругі №4.

Кожнаму з прэтэндэнтаў адвялі ўсяго па пяць хвілінаў на тое, каб задаць пытанне і адказаць апанентам, а таксама паспець звярнуцца да выбаршчыкаў. Яшчэ прыблізна пяць хвілінаў цягнуўся сюжэт пра тэрыторыю, што трапіла ў межы выбарчай акругі.

Кандыдат у дэпутаты Анатоль Новік, які прадстаўляе Беларускую партыю левых “Справядлівы свет”, лічыць дэбаты ў прапанаваным фармаце фактычна безвыніковымі. Тым не менш, падчас запісу дэбатаў ён паспеў звярнуць увагу на пагарашэнне сацыяльна-зканамічнай сітуацыі ў Беларусі, пра што сведчыць бесперапынны рост коштаў і высокі ўзровень інфляцыі. У сувязі з гэтым Новік вырашыў аспрэчыць у эфіры заявы свайго апанента ваеннага камісара Брэсцкай вобласці Уладзіміра Базанова.

“Я пракаментаваў выступ кандыдата ад улады, які казаў пра тое, што ў Беларусі трэба захаваць стабільнасць. Але якую стабільнасць? Я супраць, каб у нас былі стабільна нізкія заробкі і пенсіі, стабільны рост коштаў, які адчуваецца практычна кожны дзень”, - зазначыў Анатоль Новік.

Было бачна, што гэтая рэпліка вельмі не спадабалася Уладзіміру Базанову. Ён таксама не здолеў аргументавана адказаць на пытанне, што трэба рабіць, каб спыніць масавы ад’езд у Расію беларускіх афіцэраў, бо вайсковыя пенсіі ў суседняй краіне ў 3-4 разы вышэй, чым у Беларусі.

Яшчэ адзін удзельнік тэледэбатаў – кандыдат Сяргей Маркузаў, які лічыцца дублёрам вылучэнца ад улады, застаўся у эфіры амаль незаўважаным і нават не здолеў выкарыстаць прадастаўлены яму час для звароту да выбаршчыкаў.

 

 “Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international