Колькасць назіральнікаў ад прадзяржаўных арганізацыяў вымяраецца сотнямі

2012 2012-09-06T13:59:33+0300 1970-01-01T03:00:00+0300 be http://spring96.org/files/images/sources/figurki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Прэс-служба Федэрацыі прафсаюзаў заявіла пра тое, што вылучае ў назіральнікі за парламенцкімі выбарамі 496 сябраў арганізацыі. Яшчэ больш сябраў прадставяць “Белая русь” і БРСМ. Агулам у Беларусі акрэдытавана 3 690 назіральнікаў.

Федэрацыя прафсаюзаў напачатку выбарчай кампаніі абвесціла пра свае палітычныя амбіцыі. А ўчора прэс-служба ў заяве аб вылучэнні назіральнікаў адзначыла: “Нацыянальны прафцэнтр прыкладзе ўсе намаганні для недапушчэння ў парламент тых, хто заклікаў да ўвядзення эканамічных санкцый у адносінах да нашай краіны, да байкоту беларускіх тавараў”.

Адзначым, што паводле Выбарчага кодэксу РБ гэта не ўваходзіць у кампетэнцыю і абавязкі назіральнікаў.

Найбольшую колькасць назіральнікаў вылучылі грамадскія аб'яднанні - больш за тры тысячы. Сярод лідэраў ужо традыцыйна – прадзяржаўныя арганізацыі “Беларускае грамадскае аб'яднанне ветэранаў” - 800 чалавек, “Белая Русь” - 707, “Беларускі рэспубліканскі саюз моладзі” - 615, ФПБ - 496.
Ад палітычных партый у выбарчыя камісіі накіравана пакуль 189 назіральнікаў, прычым 182 з іх – сябры Камуністычнай партыі Беларусі. Да 15 верасня камуністы абяцаюць вылучыць яшчэ тысячу прадстаўнікоў у назіральнікі.

На прэс-канферэцыі, прысвечанай правядзенню прамежкавых вынікаў выбарчай кампаніі (рэгістрацыі кандыдатаў), праваабаронца Валянцін Стэфановіч заўважыў: “Кампанія “Праваабаронцы за свабодныя выбары” пасля кожнай кампаніі рыхтуе канчатковую справаздачу з рэкамендацыямі да органаў, адказных за правядзенне выбараў, па паляпшэнні выбарчага працэсу. Грамадскія арганізацыі і партыі, якія вылучаюць сотнямі сваіх назіральнікаў на выбары, ніякіх падобных дакументаў па выніку выбараў не рыхтуюць. Таму застаецца незразумелай іх дзейнасць”.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international