Баранавічы: Назіральнік Сяргей Гоўша скардзіцца на міліцыю

2012 2012-09-06T11:37:27+0300 1970-01-01T03:00:00+0300 be http://spring96.org/files/images/sources/housha-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Праваабаронца Сяргей Гоўша (Баранавічы)

Праваабаронца Сяргей Гоўша (Баранавічы)

6 верасня назіральнік Сяргей Гоўша накіраваў у УУС Брэсцкага аблвыканкама скаргу на дзеянні Баранавіцкага ГАУС. Ён паведамляе, што cупрацоўнікі гарадской міліцыі ўхіліліся ад аб’ектыўнага і сумленнага разгляду справы аб фальсіфікацыі пратакола № 1 пасяджэння АВК № 5.

Сяргей Гоўша лічыць, што міліцыянты вельмі доўга праводзілі “праверку” і з вялікім спазненнем даслалі толькі адзін адказ на ўсе яго заявы. У тым адказе, нагадаем, паведамлялася, што ў выніку праверкі было ўстаноўлена, што прадстаўлены назіральнікам сфальсіфікаваны пратакол трэба разглядаць выключна як вучэбна-трэніровачны (!). Наяўнасць 2-х розных пратаколаў пад № 1 чыноўнікі ў пагонах абгрунтавалі тым, што сакратар АВК № 5 Таццяна Чылік, якая працуе ў Баранавіцкім гарвыканкаме, упершыню выконвае такія абавязкі. Таму, па даручэнні старшыні камісіі Таццяны Латышавай, яна склала гэты пратакол як узор запаўнення пратаколаў маючых адбыцца пасяджэнняў камісіі.

У сваёй заяве назіральнік Сяргей Гоўша даводзіць абласному міліцэйскаму кіраўніцтву, што Таццяна Латышава ранейшы пратакол знішчыла і схлусіла ўсім сябрам камісіі і назіральнікам. На трэцім пасяджэнні камісіі на законных падставах, з папярэджаннем усіх прысутных сябраў камісіі, паведамляе Сяргей Гоўша, ён вёў поўны бесперапынны дыктафонны запіс, які перададзены пракурору г.Баранавічы і ў Баранавіцкі ГАУС. Назіральнік сцвярджае ў сваёй заяве, што Т. Латышава не вяла размовы на гэтым пасяджэнні пра нейкі там вучэбна-трэніровачны пратакол. Ён лічыць, што няма ў свеце, у тым ліку і ў Рэспубліцы Беларусь, такога закону, які дазваляе, ці патрабуе, замест законных пратаколаў падчас выбараў складаць вучэбна-трэніровачныя пратаколы, падпісваць іх, ставіць на іх пячаткі адпаведных камісій і захоўваць у выбарчай дакументацыі, а таксама выдаваць копіі іх супрацоўнікам ГАУС, назіральнікам ці іншым зацікаўленым асобам.

Сяргей Гоўша даводзіць, што складанне і выкарыстанне вучэбна-трэніровачных пратаколаў – гэта грубае парушэннем выбарчага заканадаўства і злачынства тых асобаў з ГАУС, хто выдумляе такога кшталту бязглуздзіцу, прыкрываючы парушальнікаў Выбарчага кодэкса. Ён падсумоўвае, што вучыць і трэніраваць двух работнікаў Баранавіцкага гарвыканкама з вышэйшай адукацыяй – старшыню і сакратара акруговай камісіі №5 - трэба было да выбараў, што ніякі гэта не вучэбна-трэніровачны, а сфальсіфікаваны пратакол.

Таму ён просіць УУС Брэсцкага аблвыканкама тэрмінова запрасіць усе яго заявы і дадаткі па гэтай справе з Баранавіцкага ГАУС, разгледзець іх і яго скаргу, пакараць паводле закону фальсіфікатараў выбарчага заканадаўства і хлусліўцаў, а таксама тых супрацоўнікаў Баранавіцкага ГАУС, хто незаконна “ратуе” іх гонар. Таксама Сяргей Гоўша просіць звярнуць увагу на несвоечасовае рэагаванне Баранавіцкага ГАУС на заявы назіральнікаў падчас выбараў.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international