Генасамблея ААН ухваліла рэзалюцыю аб парушэнні правоў чалавека ў Беларусі
21.12.2006.
Генеральная асамблея Арганізацыі Аб'яднаных Нацый ухваліла рэзалюцыю аб парушэнні правоў чалавека ў Беларусі. Нагадаем, раней дадзеную рэзалюцыю, унесеную на разгляд Злучанымі штатамі і Еўрасаюзам, ухваліў Трэці камітэт Генасамблеі. Пры галасаванні рэзалюцыю па Беларусі падтрымалі 72 дзяржавы, 32 дэлегацыі выступілі супраць і 69 — устрымаліся. Прынятая рэзалюцыя асуджае пашырэнне ў Беларусі практыкі ўціскаў і крымінальнага праследавання прадстаўнікоў апазіцыі, праваабаронцаў, журналістаў і няўрадавых арганізацый. У ёй выяўляецца занепакоенасць тым, што прэзідэнцкія выбары былі праведзеныя з сур'ёзнымі парушэннямі і не адпавядалі абавязкам, узятым Беларуссю ў рамках Арганізацыі па бяспецы і супрацоўніцтву ў Еўропе, паведамляе прэс-служба ААН.Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
