Вярхоўны суд прызнаў нерэгістрацыю Міхаіла Васільева правамернай

2012 2012-09-05T17:20:52+0300 1970-01-01T03:00:00+0300 be http://spring96.org/files/images/sources/barysau-vasiljeu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Старшыня Барысаўскай гарадской арганізацыі АГП Міхаіл Васільеў

Старшыня Барысаўскай гарадской арганізацыі АГП Міхаіл Васільеў

5 верасня ў Вярхоўным судзе Рэспублікі Беларусь была разгледжана скарга
старшыні Барысаўскай гарадской арганізацыі Аб'яднанай
грамадзянскай партыі Міхаіла Васільева на нерэгістрацыю яго кандыдатам у
дэпутаты ПП НС пятага склікання па Барысаўскай сельскай выбарчай
акрузе № 63.

Суддзя ВС РБ Бакіноўская прызнала рашэнні акруговай камісіі і ЦВК правамернымі. На паседжанні суда прысутнічаў старшыня акруговай камісіі Барысаўскай сельскай выбарчай акругі № 63 Леанід Навіцкі. «Пасля паседжання мы размаўлялі з Навіцкім, - распавядае Васільеў. - Я сказаў яму, што мая перамога ў судзе была адзін да дзевяноста дзевяці. Ён засмяяўся і пагадзіўся».

Нагадаем, Міхаіла Васільева не зарэгістравалі кандыдатам таму, што
ён не ўказаў у дэкларацыі аб даходах прычэп да легкавога аўтамабіля. Але паводле Пастановы № 103 ад 20 лістапада 2003 года, якой устаноўлены транспартныя сродкі, што падлягаюць дэклараванню, такімі з'яўляюцца аўтамабілі, аўтобусы, трактары і матацыклы з аб'ёмам рухавіка больш за 50 кубічных сантыметраў. Ніякіх прычэпаў ў гэтым спісе няма.

«Праваабаронцы за свабодныя выбары»

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international