Магілёў: аўтобусны парк адмаўляецца размяшчаць улёткі апазіцыйнага кандыдата

2012 2012-09-04T20:35:00+0300 1970-01-01T03:00:00+0300 be http://spring96.org/files/images/sources/autobus-slonim.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Намеснік дырэктара па ідэалогіі аўтобуснага парка №1 сп.Азараў у тэлефоннай размове паведаміў, што забаранілі размяшчаць улёткі кандыдата ў дэпутаты ад “Гавары праўду” Леаніда Падбярэцкага ў салонах аўтобусаў прадстаўнікі адміністрацыі Кастрычніцкага раёна Магілёва. Канкрэтна назваць прозвішча чалавека з адміністрацыі, з якім сп.Азараў кансультаваўся па гэтым пытанні, ён адмовіўся.

Дырэктар аўтобуснага парку №1 сп.Лазарэнка адзначыў, што за ўвесь час знаходжання яго на пасадзе ніхто не звяртаўся з просьбай размясціць ўлёткі кандыдатаў у дэпутаты ў салонах аўтобусах, ён не мае такога вопыта і не хоча яго распачынаць.

 Леанід Падбярэцкі кажа, што аўтобусны парк, як і некаторыя іншыя дзяржаўныя арганізацыі, проста шукаюць розныя нагоды, каб адмовіць, бо іх кіраўніцтва баіцца згубіць свае працоўныя месцы.

“У сакратара сп.Лазарэнкі не запраўлены прынтар і няма факсавай паперы. Яна не ўключае кампутар, бо без прынтара ён для яе губляе сэнс. Усяму гэтаму віной - недахоп сродкаў у аўтапарку. Тым часам кіраўніцтва аўтобуснага парку не жадае паправіць сваё матэрыяльнае становішча праз размяшчэнне маіх агітацыйных улётак у салонах аўтобусаў. Я не кажу, што гэта велізарныя сродкі, аднак іх, як мінімум, на набыццё паперы для факса і запраўку прынтара хабіла б з дастаткам. Для таго, каб я аплаціў гэтую паслугу – у мяне створаны спецыяльны фонд кандыдата ў дэпутаты. Баюся, што пры такім раскладзе гэты фонд можа застацца па-просту нерэалізаваны”, - кажа Леанід Падбярэцкі.

 Нагадаем, што Леанід Падбярэцкі вылучаецца ў дэпутаты ад Беларускай сацыял-дэмакратычнай партыі (Грамады) і грамадзянскай кампаніі “Гавары праўду”.

 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international