У Рэчыцы дэбатаў не захацеў кандыдат Вашкоў

2012 2012-08-31T16:17:03+0300 1970-01-01T03:00:00+0300 be http://spring96.org/files/images/sources/vashkou-rech.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Рэчыцкія кандыдаты ў дэпутаты Палаты прадстаўнікоў не будуць праводзіць тэлевізійныя дэбаты. Прычынай стала нежаданне Адама Вашкова, дырэктара метызнага завода. А прадстаўнік Ліберальна-дэмакратычнай партыі на паседжанне камісіі ўвогуле не прыбыў.

Рэчыцкая акруговая выбарчая камісія паведаміла, што тэледэбаты не адбудуцца, таму што ўдзельнічаць у іх пажадаў толькі адзін з трох кандыдатаў. Хто быў гатоў выступіць перад выбаршчыкамі ў дэбатах, і хто не захацеў рабіць гэта? На гэта пытанне адказвае Валерый Пуціцкі – назіральнік у акруговай выбарчай камісіі:

– Пасля таго, як на паседжанні камісіі зарэгістравалі кандыдатаў у дэпутаты, старшыня камісіі паведаміў, што кандыдаты могуць правесці тэледэбаты паміж сабой. Кандыдат Антон Нефёдаў выказаў жаданне ўдзельнічаць у дэбатах, а кандыдат Адам Вашкоў не захацеў. Трэці кандыдат, Ігар Каўбаска, на паседжанні не прысутнічаў.

Дададзім, што А. Нефёдаў – беспартыйны і ўдзельнік грамадскай кампаніі “Гавары праўду”, а І. Каўбаска з Гомеля прадстаўляе Ліберальна-дэмакратычную партыю.

Па словах В. Пуціцкага, Адам Вашкоў (на здымку) патлумачыў нежаданне ўдзельнічаць у дэбатах тым, што для гэтага трэба ехаць на тэлебачанне ў Гомель, “ды і што можна сказаць на дэбатах за 5 хвілін”.

 

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international