Сайт Рэчыцкага райвыканкама: “аператыўнасць” з інтэрвалам у паўмесяца

2012 2012-08-31T12:18:43+0300 1970-01-01T03:00:00+0300 be http://spring96.org/files/images/sources/internet.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Ужо адбылася рэгістрацыя кандыдатаў у дэпутаты Палаты прадстаўнікоў і вядзецца перадвыбарчая агітацыя, а сайт Рэчыцкага райвыканкама паведамляе аб пачатку праверкі дакументаў на вылучэнне кандыдатаў, што было паўмесяца таму.

Акруговыя выбарчыя камісіі сваіх сайтаў не маюць. Аднак Выбарчы кодэкс абавязвае органы ўлады садзейнічаць выбарчым камісіям. Ды ці заўсёды за банерамі пра выбары-2012 змяшчаецца своечасовая афіцыйная інфармацыя?

Так, 31 жніўня на старонцы “Выбары 2012” сайта Рэчыцкага райвыканкама Гомельскай вобласці – пастановы і паведамленні Цэнтральнай выбарчай камісіі, абласнога і раённага выканкамаў. Ёсць і інфармацыя Рэчыцкай акруговай выбарчай камісіі. Апошняя – за 14 жніўня: пра праверку дакументаў па вылучэнні кандыдатаў у дэпутаты (і чамусці змешчаная двойчы).

Між тым, праверка дакументаў была завершана да 13 жніўня, кандыдаты зарэгістраваны яшчэ 22 жніўня і ўжо вядуць агітацыю. Наўрад ці можна лічыць, што сайт выканкама своечасова інфармуе пра ход выбарчай кампаніі, калі інфармацыя на ім не абнаўляецца паўмесяца. Ці выбары проста нікога не цікавяць?

На здымку: сайт Рэчыцкага райвыканкама, 31 жніўня. Апошняя інфармацыя акруговай выбарчай камісіі – за 14 жніўня.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international