У Калінкавічах дэбатаў не будзе: кандыдат Удодаў не захацеў

2012 2012-08-31T10:40:28+0300 1970-01-01T03:00:00+0300 be http://spring96.org/files/images/sources/udodau-kalinkavichy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У сёлетніх выбарах у Палату прадстаўнікоў кандыдаты ў дэпутаты могуць праводзіць тэлевізійныя дэбаты. Аднак Калінкавіцкая акруговая выбарчая камісія паведаміла, што тут дэбатаў не будзе, таму што кандыдаты ў дэпутаты адмовіліся ад гэтага.

Падчас дэбатаў кандыдаты могуць не толькі данесці свае погляды да выбаршчыкаў, але і задаць крытычныя пытанні канкурэнтам. Чаму калінкавіцкія кандыдаты адмовіліся ад такой, здавалася б карыснай формы агітацыі? Пытанне пра гэта – кандыдату Віктару Назаранку (кіраўнік раённай арганізацыі партыі “Справядлівы свет”).

– На паседжанні акруговай выбарчай камісіі, калі нас зарэгістравалі кандыдатамі, старшыня камісіі запытаў: ці будзеце вы ўдзельнічаць у тэледэбатах? Кандыдат Аляксандр Удодаў адказаў, што ён не будзе. А мне дэбатаваць толькі з трэцім кандыдатам – які сэнс? Таму і я адмовіўся, – кажа Віктар Назаранка.

Дарэчы, трэці кандыдат – прадстаўнік Ліберальна-дэмакратычнай партыі Уладзімір Кулік з Гомеля – увогуле не прысутнічаў на паседжанні камісіі.

Кандыдат Аляксандр Удодаў (на здымку), які не захацеў выступіць у тэледэбатах перад калінкавіцкімі выбаршчыкамі, таксама жыве ў Гомелі – ён начальнік Гомельскага аддзялення Беларускай чыгункі.

 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international