Баранавічы: Выступ Анжалікі Камбалавай не паказалі

2012 2012-08-30T11:41:10+0300 1970-01-01T03:00:00+0300 be http://spring96.org/files/images/sources/kambalava.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Анжаліка Камбалава

Анжаліка Камбалава

Тэлерадыёкампанія “Брэст” 29 жніўня не паказала выступ кандыдата ў дэпутаты Анжалікі Камбалавай, якая зарэгістравана па Баранавіцкай- Заходняй выбарчай акрузе № 5 ад Аб’яднанай грамадзянскай партыі. У сваёй прамове актывістка АГП сказала, што ў нас няма незалежнага тэлебачання, незалежных сродкаў масавай інфармацыі, акрамя недзяржаўных, няма справядлівага суду, законаў, перад якімі ўсе роўныя, няма адукацыі на роднай мове. Затое ёсць палітвязні – чаго няма нідзе ў Еўропе, ёсць людзі, якія апынуліся ў турмах за свае перакананні. Далей свой выступлен Анжаліка Камбалава прысвяціла выключна праблеме палітвязняў.

Старшыня Баранавіцкай гарадской суполкі АГП Анжаліка Камбалава заклікала грамадзян да актыўнага байкоту і не галасаваць датэрмінова.

– У маім выступе не было заклікаў да вайны і гвалту, да міжнацыянальных канфліктаў. Я выказала сваю грамадзянскую пазіцыю наконт цяперашніх выбараў і сказала, што ў нас няма дэмакратыі, а ёсць палітвязні. Закон дазваляе мне гаварыць тое, што думаю. Тэлерадыёкампанія “Брэст” маю прамову не паказала, што яшчэ раз сведчыць аб несумленных і несвабодных выбарах, – адзначыла Анжаліка Камбалава.

Яна дадала, што ўжо падрыхтавала зварот, у якім просіць кіраўніцтва тэлерадыёкампаніі “Брэст” патлумачыць прычыны, па якіх яе выступленне не паказалі па тэлевізіі.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international