Намеснік старшыні КДК баіцца адкрытай дыскусіі з апанентамі?

2012 2012-08-28T15:50:41+0300 1970-01-01T03:00:00+0300 be http://spring96.org/files/images/sources/ageeu_aliaksandr.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Намеснік старшыні Камітэта дзяржаўнага кантролю Беларусі Аляксандр Агееў

Намеснік старшыні Камітэта дзяржаўнага кантролю Беларусі Аляксандр Агееў

Намеснік старшыні Камітэта дзяржкантроля Беларусі, кандыдат у дэпутаты Палаты прадстаўнікоў па Шклоўскай выбарчай акрузе № 90 Аляксандр Агееў адмовіўся ад удзелу ў тэлевізійных дэбатах са сваімі апанентамі. Пра гэта паведамілі іншыя кандыдаты ў дэпутаты па акрузе – прадстаўнік партыі БНФ Рыгор Кастусёў і сябра Беларускай партыі левых “Справядлівы свет” Зінаіда Мялешчанка.

“Учора мы атрымлівалі ў акруговай камісіі Шклоўскай выбарчай акругі № 90 пасведчанні для сваіх давераных асобаў, - распавядае Рыгор Кастусёў. – Таксама з кандыдатамі ўзгаднялі пытанне ўдзелу ў тэлевізійных дэбатах, якія адбудуцца 3 верасня. Мы з Зінаідай Мялешчанка адназначна выказаліся за ўдзел у дэбатах, ну а Аляксандр Агееў вырашыў адмовіцца. Чаму ён гэта зрабіў, для мяне не зразумела, паспрабаваў бы распавесці нам і выбаршчыкам сваё бачанне дзейнасці дэпутата Палаты прадстаўнікоў у нашай краіне”.

Зінаіда Мялешчанка выказала меркаванне, што праўладнаму кандыдату проста няма чаго сказаць людзям:

“Па-мойму, Аляксандр Агееў проста пабаяўся ўступаць з намі ў адкрытую дыскусію, бо яму проста няма чаго сказаць людзям. Нават у правінцыі людзі ўжо разумеюць, што наша краіна развіваецца ў нейкім дзіўным накірунку і размовы аб стабільнасці і сацыяльнай справядлівасці набываваюць гумарыстычнае адценне”.

Дарэчы, Рыгор Кастусёў і Зінаіда Мялешчанка сталі даверанымі асобамі адзін у аднаго, каб такім чынам паказаць, што яны змагаюцца за агульную справу і супрацоўнічаюць у данясенні да выбаршчыкаў дэмакратычных ідэй.

Аляксандр Агееў, карыстаючыся высокай пасадай намесніка старшыні КДК, праводзіць прамыя тэлефонныя лініі з жыхарамі сваёй выбарчай акругі, заклікаючы патэнцыйных выбаршчыкаў выказваць прапановы па ўсіх хвалюючых пытаннях і абяцаючы дапамогу ў іх вырашэнні. У прыватнасці, такая “прамая тэлефонная лінія” 23 жніўня адбылася з жыхарамі Круглянскага раёна.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international