Барысаў: дэмакратычнага кандыдата пазбавілі рэгістрацыі
Галоўны рэдактар «Барысаўскіх навінаў» Анатоль Букас
Сёння адбылося «экстранае» паседжанне акруговай камісіі Барысаўскай гарадской выбарчай акругі № 62. На парадку дня стаяла адно пытанне: наконт пазбаўлення рэгістрацыі кандыдата Анатоля Букаса.
Сябры камісіі выявілі, што ў дэкларацыі аб даходах галоўны рэдактар незалежнай газеты Анатоль Букас не пазначыў звесткі пра тое, што ў 2011 годзе прадаў аўтамабіль. Як патлумачыў сам кандыдат, машыну ён прадаваў у 2010 годзе. Аднак у дакументах значыцца менавіта 2011 год. Сябры камісіі прагаласавалі за пазбаўленне рэгістрацыі кандыдата Анатоля Букаса аднагалосна.
Такім чынам, па Барысаўскай гарадской выбарчай акрузе № 62 засталося два кандыдаты: кіруючая справамі Барысаўскага райвыканкама Тамара Красоўская і намеснік старшыні Аб'яднанай грамадзянскай партыі Леў Марголін. Апошні, як вядома, збіраецца здымаць сваю кандыдатуру за тыдзень да выбараў. Красоўскай альтэрнатывы на выбарах не будзе.
«Праваабаронцы за свабодныя выбары»
