Баранавічы: Рыгор Грык заяўляе пра падман выбаршчыкаў з боку сябраў АВК

2012 2012-08-25T16:39:53+0300 1970-01-01T03:00:00+0300 be http://spring96.org/files/images/sources/gryk_rygor-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Рыгор Грык, грамадскі актывіст з Баранавіч

Рыгор Грык, грамадскі актывіст з Баранавіч

Баранавіцкі прэтэндэнт у дэпутаты беспрацоўны Рыгор Грык 24 жніўня падаў скаргу ў Цэнтральную выбарчую камісію на рашэнне камісіі Баранавіцкай-Усходняй выбарчай акругі № 6.

Нагадаем, што камісія 22 жніўня не зарэгістравала яго кандыдатам у дэпутаты, выявіўшы ў падпісных лістах за яго вылучэнне 62 несапраўдныя подпісы (18%). Рыгор Грык катэгарычна не пагадзіўся з такім рашэннем АВК. Ён вырашыў высветліць прычыны, па якіх грамадзяне пісьмова “пацвярджалі”, што ў падпісных лістах дата і подпіс пастаўлены чужою рукою. За два дні прэтэндэнт у дэпутаты сабраў 29 заяваў, у якіх выбаршчыкі пісьмова паведамілі, што дата і подпісы пастаўлены імі асабіста. Таццяна Шылава, Зінаіда Анцэвіч, Лідзія Сідорка, Алена Булыга, Аляксандра Бондар, Ларыса Новікава, Таццяна Сіліцкая і іншыя напісалі заявы ў АВК № 6, што правяраючыя свядома ўводзілі іх у зман пры праверцы падпісных лістоў.

– Людзі ў нас даверлівыя, і гэтым карыстаюцца несумленныя сябры АВК. Яны не чыталі зместу таго ліста, які ім падсоўвалі падпісаць. Правяраючыя прасілі гэтых людзей распісацца ў лісце, што яны не адмаўляюцца ад свайго подпісу ў маю падтрымку. І выбаршчыкі падпісваліся, не падазраючы ашуканства. А цяпер высветлілася, што грамадзяне падпісвалі ліст аб тым, што гэта сам Рыгор Грык паставіў дату і подпіс у падпісным лісце, – патлумачыў Рыгор Грык.

У сваёй скарзе ў ЦВК Рыгор Грык просіць адмяніць рашэнне АВК № 6 ад 22 жніўня і зарэгістраваць яго кандыдатам у дэпутаты Палаты прадстаўнікоў.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international